Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, հիմք ընդունելով Սևան համայնքի կողմից Հայաստանի վերականգնվող էներգետիկայի և էներգախնայողության հիմնադրամին ուղղված գրությունը՝ «ԵՄ-ն հայկական համայնքներում էներգաարդյունավետության և վերականգնվող էներգիայի համար» ծրագրի շրջանակներում հիմնադրամի կողմից իրականացվող «Մեծաթիվ բնակչությանն ուղղված էներգախնայողության և վերականգվող էներգետիկայի բարձր ազդեցությամբ ցուցադրական-պիլոտային միջոցառումներ» դրամաշնորհային ծրագրում Սևանի համայնքապետարանի վարչական շենքն ընդգրկելու համար, ծրագրի շահառու դառնալու փաստը, հաշվի առնելով ծրագրի իրականացման նախապայմանները՝ 1. «Հայաստանի Հանրապետության Գեղարքունիքի մարզի Սևանի համայնքապետարանի վարչական շենքում «Մեծաթիվ բնակչությանն ուղղված էներգախնայողության և վերականգվող էներգետիկայի բարձր ազդեցությամբ ցուցադրական-պիլոտային միջոցառումներ» դրամաշնորհային ծրագրի շրջանակներում ֆոտովոլտային կայան տեղադրելու համար Սևան համայնքի կողմից կատարել համաֆինանսավորում ծրագրի արժեքի 20 տոկոսի չափով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: |