Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 4-րդ և 25-րդ կետերով և Հայաստանի Հանրապետության կառավարության 2006թվականի նոյեմբերի 16-ի թիվ 1708-Ն որոշման 1-ին կետի 2-րդ և 3-րդ ենթակետերով հաստատված կարգերի դրույթներով, հաշվի առնելով Սևան համայնքի առաջնահերթությունները` 

 1. Տալ համաձայնություն` Հայաստանի Հանրապետության համայնքների տնտեսական և սոցիալական ենթակառուցվածքների զարգացմանն ուղղված, Սևան համայնքի կողմից 2024 թվականի համար ներկայացվող սուբվենցիոն ծրագրերին`
1) «ՀՀ Գեղարքունիքի մարզի Սևան համայնքի Գագարին բնակավայրի Շիրազի փողոցի ասֆալտապատում»;
2) «Սևան համայնքի թիվ 1 «Բողբոջ» մսուր-մանկապարտեզների վերանորոգում»;
3) «Սևան համայնքի Ծովագյուղ բնակավայրի մշակույթի տան վերանորոգում»;
4) «Դդմաշեն բնակավայրի մշակույթի տան վերանորոգում»;
5) «Սևան համայնքի Սևան քաղաքի մի շարք փողոցների ասֆալտբետոնյա ծածկի վերականգնում»;
6) «Սևան համայնքի Զովաբեր, Լճաշեն, Ծաղկունք և Վարսեր բնակավայրերում ոռոգման համակարգի կառուցում»;
7) «Սևան համայնքի Գեղամավան բնակավայրի խմելու ջրի ցանցի վերակառուցում և խորքային հորի կառուցում»:
8) «ՀՀ Գեղարքունիքի մարզի Սևան համայնքի Գագարին բնակավայրի գերեզմանոց տանող և Վարսեր բնակավայրի ճանապարհների հիմնանորոգում »;
2. Սահմանել, որ
1) ծրագրերի իրականացման համար համայնքային ներդրումները կատարվելու են Սևան համայնքի 2024թ. ֆոնդային բյուջեից;
2) ծրագրերի իրականացման հետ առնչվող փաստաթղթերի ստորագրումը, դրանցից բխող գործառույթների կազմակերպումն իրականացնում է Սևան համայնքի ղեկավարը։
3. Սույն որոշումն ուժի մեջ է՝ պաշտոնական հրապարակման օրվան հաջորդող օրվանից։