Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետով, «Ճանապարհային երթևեկության անվտանգության ապահովման մասին» օրենքի 24.4-րդ հոդվածի 3-րդ և 10-րդ մասերով, 1. Սևան համայնքի վարչական տարածքում մինչև 18 տարեկան անձանց կողմից անհատական շարժունակության (տեղաշարժման) միջոցներով երթևեկությունը թույլատրվում է միայն Սևան քաղաքի և գյուղական բնակավայրերի փողոցների երթևեկելի մասի աջ եզրերով, քաղաքային զբոսայգու ճեմուղիներում, բացառությամբ 16 տարին լրացած և «AM» ենթակարգի տրանսպորտային միջոց վարելու իրավունք ունեցող անձանց։
2. Սահմանել Սևան համայնքի վարչական տարածքում անհատական շարժունակության (տեղաշարժման) միջոցների երթևեկության հետևյալ արգելված վայրերը՝
1) Սևան քաղաքի Աբովյան-Նաիրյան փողոցների խաչմերուկից մինչև Զ. Անդրանիկի հրապարակ.
2) Սևան քաղաքի Զ. Անդրանիկի հրապարակից մինչև նախկին Ծխախոտի գործարանի վարչական շենք.
3) Սևան քաղաքի Նաիրյան – Դեմիրճյան փողոցների խաչմերուկից մինչև Վլ. Կարապետյանի անվան թիվ 3 հիմնական դպրոց.
4) Չարենց փողոցի սկզբնամասից մինչև Ելենովկա-Չարենց փողոցների խաչմերուկ.
5) Սևան համայնքի գյուղական բնակավայրերի դպրոցների հարակից տարածքներում՝ մինչև 200մ շառավղով:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: |