Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 26-րդ կետով, Սևան համայնքի ավագանու՝ 2025 թվականի փետրվարի 12-ի «Հայաստանի Հանրապետության Սևան համայնքի ավագանու 2021թվականի դեկտեմբերի 24-ի N 5-Ա որոշման մեջ փոփոխություն կատարելու մասին» N3-Ա որոշման 279, 280, 284 կետերով, հիմք ընդունելով Սևան համայնքի ղեկավարի առաջարկությունը` «Սևան համայնքի Վ. Սարգսյանի անվան երաժշտական դպրոց» ՀՈԱԿ-ի նոր շենքի կառուցման գործում «Հայաստան» համահայկական հիմնադրամի հոգաբարձուների խորհրդի անդամ, ֆրանսահայ բարերար Պետրոս Թերզյանի անգնահատելի դերի, համայնքի մշակութային զարգացման գործում ակնառու ներդրման համար «Սևան քաղաքի պատվավոր քաղաքացի» կոչում շնորհելու մասին`

1. «Հայաստան» համահայկական հիմնադրամի հոգաբարձուների խորհրդի անդամ, ֆրանսահայ բարերար Պետրոս Թերզյանին շնորհել «Սևան քաղաքի պատվավոր քաղաքացի» կոչում:
2. Սույն որոշումն ուժի մեջ է մտնում հրապարակմանը հաջորդող օրվանից: