Քննելով քաղաքացի Արմինե Մուրադյանին վարձակալական հիմունքներով, ՀՀ Հողային օրենսգրքի 60-րդ հոդվածին պատկանող հողատարածքում առկա ինքնակամ տեղադրված և կառուցված շինությունների փաստը՝ պարզեցի. քաղաքացի Արմինե Մուրադյանի կողմից 26.04.2007թ․ վարձակալության պայմանագիր է կնքվել «Սևանի ազգային պարկ» ՊՈԱԿ-ի հետ։ Հետագայում քաղաքացու կողմից առանց սահմանված կարգի կառուցվել է 2 մետր բարձրության քարե ցանկապատ և քարե հիմքերի վրա տեղադրվել են երկու վագոն-տնակներ։ Դրանով խախտվել է ՀՀ կառավարության 2001 թվականի սեպտեմբերի 24-ի 896 որոշման, ՀՀ կառավարության 2015 թվականի մարտի 19-ի թիվ 596-Ն որոշման, «Քաղաքաշինության մասին» ՀՀ օրենքի 23-րդ հոդվածի պահանջները, իսկ ՀՀ քաղաքացիական օրենսգրքի 188–րդ հոդվածի 1-ին մասի համաձայն՝ այդ շինությունները համարվում են ինքնակամ շինություններ։ Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի, 42-րդ հոդվածի 2-րդ մասի 1-ին կետի պահանջներով՝ որոշում եմ.

1․ Պահանջել քաղաքացի Արմինե Մուրադյանից /ք. Երևան հասցե/ ապամոնտաժելու (քանդելու) տարածքում առկա ինքնակամ շինությունները ։
2․ Պահանջել Արմինե Մուրադյանից տարածքի կառուցապատումը իրականացնել ՀՀ օրենսդրության պահանջներին համապատասխան։
3․ Սույն որոշման 1-ին կետի պահանջները չկատարելու դեպքում հարցը լուծել ՀՀ օրենքով սահմանված կարգով։
4.Սույն որոշումը կարող է բողոքարկվել երկու ամսվա ընթացքում ՀՀ վարչական դատարան։
5․ Սույն որոշումը ուժի մեջ է մտնում առձեռն կամ օրենքով սահմանված կարգով պատշաճ իրազեկելու օրվան հաջորդող օրվանից։