Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն, 29.12.2005թ. N 2387-Ն որոշումներով, 18.05.2006թ. թիվ 912-Ն որոշման 33-րդ կետով, հիմք ընդունելով  ք. Սևան, Գրիբոյեդովի փողոց թիվ 2 / 2 բնակարանի բնակիչ Յուրի Սարգսյանի դիմումը` ք. Սևան, Գրիբոյեդովի փողոց թիվ 1 շենքի արևելյան մասում` ավտոտնակների շարքում, իր կողմից ինքնակամ կառուցված 50.80քմ մակերեսով կիսակառույց ավտոտնակն օրինականացնելու մասին, ինչպես նաև հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք,  որոշում եմ.

1.  Յուրի Սարգսյանի կողմից ք. Սևան, Գրիբոյեդովի փողոց թիվ 1 շենքի արևելյան մասում` ավտոտնակների շարքում, ինքնակամ կառուցված 50.80քմ մակերեսով կիսակասռույց ավտոտնակը / ներքին մակերեսը` 38.46քմ / և զբաղեցրած 50.80քմ մակերեսով հողատարածքը ճանաչել համայնքային սեփականություն:
2. Յուրի Սարգսյանի կողմից ք. Սևան, Գրիբոյեդովի փողոց թիվ 1 շենքի արևելյան մասում` ավտոտնակների շարքում, ինքնակամ կառուցված 50.80քմ մակերեսով կիսակառույց ավտոտնակը ճանաչել օրինական` տրամադրելով ք. Սևան, Գրիբոյեդովի փողոց թիվ 1 / 48 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերն իրականացվում են ինքնակամ կառույցը իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման: