Հիմք ընդունելով «Նորմատիվ իրավական ակտերի մասին» ՀՀ օրենքի 33-րդ և 34-րդ հոդվածները` որոշում եմ.
Սևան համայնքի ղեկավարի` 13.06.2019թ. N 349-Ա որոշման մեջ կատարել փոփոխություն, լրացում և որոշումը կարդալ հետևյալ բովանդակությամբ.
Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով, հիմք ընդունելով ք. Սևան, Մաշտոցի փողոց թիվ 8 տան բնակիչ Գոռ Հայրումյանի դիմումը` ք. Սևան, Շահումյան փողոց թիվ 2 հասցեում գտնվող տաղավարին կից իր կողմից ինքնակամ կառուցված 12.20քմ մակերեսով հարթակն օրինականացնելու մասին, ինչպես նաև հաշվի առնելով, որ հարթակը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1. Գոռ Կամոյի Հայրումյանի կողմից ք. Սևան, Շահումյան փողոց թիվ 2 հասցեում գտնվող տաղավարին կից ինքնակամ կառուցված 12.20քմ մակերեսով հարթակը, զբաղեցրած ու սպասարկման համար նախատեսված 22.61քմ մակերեսով հողատարածքը ճանաչել համայնքային սեփականություն` հողամասի գործառնական նշանակության փոփոխությունը համապատասխանեցնելով Սևան քաղաքի լրամշակված գլխավոր հատակագծին:
2. Գոռ Հայրումյանի կողմից ք. Սևան Շահումյան փողոց թիվ 2 հասցեում գտնվող տաղավարին կից ինքնակամ կառուցված 12.20քմ մակերեսով հարթակը ճանաչել օրինական` տրամադրելով ք. Սևան, Շահումյան փողոց թիվ 35 / 66 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում` համայնքային սեփականության ճանաչման և գրանցման ծախսերն իրականացվում են ինքնակամ կառույցն իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման:
5. Սույն որոշումն ուժի մեջ է` Գոռ Հայրումյանին սույն որոշման ընդունման մասին իրազեկելու օրվան հաջորդող օրվանից: