1.Պետական և համայնքային սեփականություն հանդիսացող հողամասերի օտարումը, կառուցապատման իրավունքի և օգտագործման տրամադրումն իրականացվում է համաձայն բնակավայրի գլխավոր հատակագծի, մանրամասն հատակագծան նախագծերով կամ գոտևորման նախագծերով, դրանց բացակայության դեպքում` ՀՀ կառավարության 30.07.1998թ. «Հաստատված քաղաքաշինանակն ծրագրային փաստաթղթերի բացակայության դեպքում քաղաքաշինական գործունեության իրականացման կարգը հաստատելու մասին» թիվ 479 որոշմամբ սահմանված կարգով:
2. Տնամերձ և անհատական բնակելի տան կառուցման և սպասարկման համար պետական և համայնքային սեփականություն հանդիսացող հողամասերն օտարվում են միայն աճուրդային կարգով, բացառությամբ ՀՀ օրենսդրությամբ նախատեսված սեփականության իրավունքի անհատույց փոխանցման կամ ուղղակի վաճառքի դեպքերի:
3.      Հողամասերը ըստ իրենց նպատակային նշանակության վարձակալության կամ կառուցապատման են տրամադրվում մրցութային կարգով` բացառությամբ սահմանված դեպքերի:
4.      Բնության հատուկ պահպանվող տարածքներից հողամասերի կառուցապատման և օգտագործման իրավունքի տրամադրումն իրականացվում է ՀՀ կառավարության 12.04.2001թ. թիվ 286, 18.12.2008թ. թիվ 1563-Ն և թիվ 1578-Ն որոշումների համաձայն:
5.      Հողամասերի աճուրդ վաճառքում կամ մրցույթում հաղթող ճանաչված անձը 10-օրվա ընթացքում պարտավոր է վճարել սակարկությունների արդյունքում ձևավորված գինը, որից հետո 2 օրվա ընթացքում կողմերի միջև կնքվում է օտարման պայմանագիր, որը վավերացվում է նոտարական կարգով և ենթակա է պետական գրանցման:

Ճարտարապետաշինարարական բաժնի հասցեն է` ք. Սևան, Նաիրյան 164, համայնքապետարան, 2-րդ հարկ, 10 սենյակ: