|
ՆԿԱՐԱԳՐՈՒԹՅՈՒՆ
|
|
Հայտնում ենք, որ
Ֆիզիկական և իրավաբանական անձինք հողի և գույքահարկի համապատասխան վճարումները պետք է կատարեն` ըստ սահմանված ժամանակացույցի:
Պարտքերի կուտակումից և տույժերից խուսափելու համար հողի հարկը ֆիզիկական անձինք տվյալ տարվա համար վճարում են հաշվետու տարվա մինչև նոյեմբերի 15-ը:
Իրավաբանական անձինք վճարումներ կատարում են կիսամյակը մեկ անգամ` յուրաքանչյուր կիսամյակին հաջորդող ամսվա 20-ը ներառյալ:
Գույքահարկի վճարները ֆիզիկական անձինք կատարում են մինչև դեկտեմբերի 1-ը ներառյալ, իսկ իրավաբանական անձինք` յուրաքանչյուր կիսամյակին հաջորդող ամսվա 20-ը ներառյալ:
Հողի հարկի վճարները անհրաժեշտ է կատարել համայնքի բյուջեի 900165101057 հաշվեհամարին, գույքահարկինը` 900165101024 հաշվեհամարին:
«Տեղական տուրքերի և վճարների մասին» ՀՀ օրենքի համաձայն` ոգելից և ալկոհոլային խմիչքի և ծխախոտի արտադրանքի վաճառք կարելի է իրականացնել միայն համայնքապետարանում սահմանված կարգով թույլտվություն ստանալուց հետո` նախօորոք վճարելով տեղական տուրքը:
Հարգելի հարկատուներ
Անճշտությունները կանխելու, սխալներն ուղղելու համար անհրաժեշտ է համայնքաետարանի ֆինանսատնտեսագիտական բաժին ներկայացնել շինության սեփականության իրավունքի վկայականի, ֆիզիկական անձի մահվան դեպքում մահվան վկայականի, ժառանգության ձևակերպման դեպքում ժառանգության փաստաթղթի լուսապատճենները:
Հիշեցում ֆիզիկական անձանց Ձեր հարկային պարտավորությունների վերաբերյալ տեղեկատվություն կարող եք ստանալ` այցելելով Սևանի համայնքապետարանի պաշտոնական կայք` sevancity.am, «Ծառայություններ» բաժին, «Գույքային հարկերի պարտքեր» ենթաբաժին` նշելով Ձեր գույքի ՀՎՀՀ-ն և գույքը հաշվառած անձի անվան առաջին տառը:
Տեղեկատու հեռախոսներ` / 0261 / 4-00-08, 4-00-06
|