Սեվանի համայնքապետարանի պաշտոնական կայք

21.11.25 Մասնակցային բյուջետավորում – 2026 Սևան համայնքում կայացան իրազեկման նախնական հանդիպումներ

Սևան համայնքի ավագանու և Սևան համայնքի ղեկավարի որոշումներով Սևան համայնքում մեկնարկել է 2026 թվականի մասնակցային բյուջետավորման գործընթացը: Սա լավ հնարավորություն է համայնքի բնակիչների կողմից բարձրաձայնելու համայնքում առկա խնդիրները և ներկայացնելու առաջարկ-նախագծեր դրանց լուծման համար։ Մինչ բնակիչների, քաղաքացիական հասարակության ներկայացուցիչների կողմից համայնքապետարան առաջարկ - նախագծերի ներկայացումը, Սևանի համայնքապետարանի աշխատակազմի ներկայացուցիչների և մասնակցային բյուջետավորման գործընթացի կազմակերպման նպատակով ստեղծված հանձնաժողովի անդամների կողմից համայնքի բնակավայրերում՝ բնակավայրերի վարչական ղեկավարների նստավայրերում, կայացան իրազեկման նախնական հանդիպումները: Հանդիպումները շարքն ամփոփվեց ... Մանրամասն

21.11.25 Իրազեկման հանդիպում Սևանի համայնքապետարանում

«Դուստր Մարիաննա» ՍՊԸ-ի տնօրենությունը պատրաստակամություն է հայտնել 3,6% բազիսային յուղայնությամբ 1 լիտր կաթը ձեռնարկության տարածքում մթերել 185 դրամով, իսկ մթերման կետերում՝ 160-170 դրամով։ Ընդ որում, կաթի մթերման ծավալների առումով չկան սահմանափակումներ։ Ավելին, ընկերությունը կաթի մթերման նոր կետեր հիմնելու նպատակով, հանձնառու է իրականացնել լրացուցիչ ներդրումներ այն բնակավայրերում, որոնցում հնարավոր է մթերման նպատակով օրական հավաքել առնվազն 1 տոննա կաթ։ Այս նախաձեռնության վերաբերյալ Գեղարքունիքի մարզի ֆերմերային տնտեսություններում իրազեկում իրականացնելու և նախաձեռնությունից օգտվելու նպատակով ՀՀ Էկոնոմիկայի նախարարության նախաձեռնությամբ Գեղարքունիքի մարզպետի աշխատակազմի գյուղատնտեսության ... Մանրամասն

21.11.25 Ուշադրություն

2025 թվականի նոյեմբերի 20-ից մինչև 2026 թվականի փետրվարի 1-ը Սևանա լճում խստիվ արգելվում է սիգի արդյունագործական որսը։
Այս որոշումը ռազմավարական քայլ է Սևանի կենսաբազմազանությունը երաշխավորելու համար։
Այն ուղղված է հիմնականում սիգի բնական վերարտադրությանն աջակցելուն՝ դրանով իսկ ապահովելով լճի ձկնային պաշարների կայուն և արդյունավետ վերականգնումը։
Որսի կանոնները խախտելու, ինչպես նաև ապօրինի որսի դեպքում նախատեսվում է օրենքով սահմանված խիստ վարչական ու քրեական պատասխանատվություն:
Նոյեմբերի 20-ից հետո Սևանա լճում հայտնաբերված նավակների և որսի միջոցների համար կկիրառվեն օրենքով սահմանված պատասխանատվության միջոցներ․ կոչ ենք անում ժամանակին ապահովել դրանց դուրսբերումը:

21.11.25 Սևան համայնքի Զովաբեր բնակավայրում

«ԴԻ ՕՀՄ ԷՆԵՐՋԻ» ՍՊԸ-ի կողմից Զովաբեր բնակավայրի մշակույթի տան տանիքին, որտեղ տեղակայված է նաև վարչական ղեկավարի նստավայրը, զարգացման կենտրոնը, տեղադրվել է 10կՎտ դրվածքային հզորությամբ արևային ֆոտովոլտային համակարգ:
Համակարգը նախատեսված է էլեկտրաէներգիայի արտադրության և համայնքային կարիքների սպասարկման համար:
Նորաստեղծ կայանը հնարավորություն կտա ապահովել էներգաարդյունավետության և էներգախնայողության ռեժիմ՝ նվազեցնելով էլեկտրաէներգիայի ծախսերը։
«ԴԻ ՕՀՄ ԷՆԵՐՋԻ» ՍՊԸ-ի՝ համայնքի զարգացմանն ուղղված աջակցությունը խրախուսելի է և օրինակելի։

21.11.25 Թափոնների կառավարման ճանապարհին

Տարիներ շարունակ համայնքում քննարկվել է բազմաբնակարան շենքերում առկա աղբամուղների փակման խնդիրը, որը պայմանավորված էր մի շարք գործոններով, մասնավորապես՝ համաճարակային և հակասանիտարական իրավիճակի ստեղծմամբ: Մշտական անհարմարությունները եղել են անպակաս՝ գարշահոտությունից մինչև հարկերում վազվզող առնետներ: Շենքերի սեփականատերերի դիմումների հիման վրա՝ 50+1 տոկոս բնակիչների համաձայնությամբ, 7 շենքում փակվել են աղբատարները:Իհարկե, բարձրահարկ շենքերի վերևի հարկում ապրողները սովորույթի ուժով դեռևս չեն համակերպվում աղբամուղները փակելուն, սակայն, ինչպես ցույց է տալիս փորձը, աղբամուղների փակմամբ լուծվում է ամենակարևոր խնդիրը՝ սանիտարական և հակահամաճարակային իրավիճակի բարելավում: Սևան համայնքում 2025 թվականի ... Մանրամասն

20.11.25 Սևան համայնքում հյուրընկալվել էր Հայաստանում Էստոնիայի արտակարգ և լիազոր դեսպանը

Սևան համայնքի Ծովագյուղ բնակավայրի ԾովԵՄ երիտասարդական կենտրոնում հյուրընկալվել էր Հայաստանում Էստոնիայի Հանրապետության արտակարգ և լիազոր դեսպան տիկին Մարգե Մարդիսալու-Կահարին՝ ուղեկցությամբ դեսպանատան աշխատակիցների: Դեսպանին ընդունեցին Սևանի համայնքապետարանի աշխատակազմի զարգացման ծրագրերի, տուրիզմի, առևտրի, սպասարկման և գովազդի բաժնի պետ Դավիթ Թորոսյանը, «Սևանի տարածքային զարգացման և հետազոտությունների կենտրոն» ՀԿ-ի նախագահ Սաթիկ Բադեյանը, երիտասարդական կենտրոնի շահառուները: 2025 թվականի մայիսի «Սևանի տարածքային զարգացման և հետազոտությունների կենտրոն» ՀԿ-ն Էստոնիայի դեսպանատան կողմից տրամադրված դրամաշնորհով ԾովԵՄ երիտասարդական կենտրոնում իրականացնում է «Շրջանառու ... Մանրամասն

19.11.25 Ամփոփելով Սևան համայնքի 2026 թվականի հոկտեմբեր ամսվա բյուջեի կատարողականը

2025 թվականի նոյեմբերի 1-ի դրությամբ Սևան համայնքի վարչական բյուջեն կատարվել է 100.1 %-ով (պլան՝ 1850178.9 հազ. դրամ, փաստացի՝ 1851484.0 հազ. դրամ): Հարկերի և տուրքերի հավաքագրումը կատարվել է 86 %-ով (պլան՝ 418941.7 հազ. դրամ, փաստացի՝ 360370.8 հազ. դրամ): Հողի հարկի գծով պլանային ցուցանիշը եղել է 4166.7 հազ. դրամ, փաստացի՝ 7817.4 հազ. դրամ (187.6 %): Գույքահարկ շենք-շինություններից՝ պլանային ցուցանիշ՝ 3750.0 հազ. դրամ, փաստացի՝ 6951.6 հազ. դրամ (185.4%): Անշարժ գույքի հարկ՝ պլանային ցուցանիշ՝ 139833.3 հազ. դրամ, փաստացի՝ 67387.0 հազ. դրամ, (48.2%): Տրանսպորտային միջոցների գույքահարկ՝ պլանային ցուցանիշ՝ 241666.7 հազ. դրամ, փաստացի՝ 211993.6 հազ. դրամ (87.7%): Տեղական տուրքեր՝ պլանային ցուցանիշ՝ ... Մանրամասն

19.11.25 Աղբի տեղը աղբամանն է

Օգոստոսի 1-ից Սևան համայնքում կենցաղային աղբահանության և աղբահեռացման, ինչպես նաև Սևան քաղաքում թափոնների տեսակավորման ծառայություններն իրականացվում են «Կոտայքի և Գեղարքունիքի ԿԿԹԿ» ՍՊԸ-ի կողմից: Սկզբնաղբյուրում տեսակավորվող, ինչպես նաև կոշտ կենցաղային մյուս թափոններն ընկերության տրանսպորտային միջոցով, ինչպես նաև համայնքին նվիրաբերված և ընկերության կողմից շահագործվող թափոնատար մեքենայով տեղափոխվում են Հրազդանի սանիտարական աղբավայր: Տեսակավորված թափոնները տեղադրվում են Հրազդանի սանիտարական աղբավայրում հատկացված տարածքում, որտեղից էլ ուղարկվում են «երկրորդ կյանք ստանալու»: Տեղեկացնում ենք, որ կոշտ կենցաղային թափոնների տեղափոխումը Սևան քաղաքում կատարվում է ամենօրյա պարբերականությամբ, ... Մանրամասն

1 2 3 4 5 6 7 8 9 10 ...