Սևանի համայնքապետարան է դիմել ք. Սևան, Խաղաղության փողոց թիվ 4 / 6 բնակարանի բնակիչ Արթուր Ճաղարյանը` ք. Սևան, Ս. Սևանեցի փողոցի թիվ 9 շենքի հարավային հատվածում՝ իր կողմից ինքնակամ կառուցված 145.0քմ մակերեսով երկհարկանի տնտեսական շինությունը օրինականացնելու խնդրանքով: Ուսումնասիրությունից պարզվել է, որ ք. Սևան, Խաղաղության փողոց թիվ 4 / 6 բնակարանի բնակիչ Արթուր Ճաղարյանը` ք. Սևան, Ս. Սևանեցի փողոցի թիվ 9 շենքի հարավային հատվածում՝ համայնքային սեփականություն հանդիսացող հողատարածքի վրա իր կողմից ինքնակամ կառուցել է 145.0քմ մակերեսով երկհարկանի տնտեսական շինություն: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով և հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Արթուր Ճաղարյանի դիմումը` ք. Սևան, Ս. Սևանեցի փողոցի թիվ 9 շենքի հարավային հատվածում՝ իր կողմից ինքնակամ կառուցված 145.0քմ մակերեսով երկհարկանի տնտեսական շինությունը օրինականացնելու մասին, որոշում եմ.
1. Ք. Սևան, Ս. Սևանեցի փողոցի թիվ 9 շենքի հարավային հատվածում՝ Արթուր Միխայիլի Ճաղարյանի կողմից ինքնակամ կառուցված 145.0քմ մակերեսով երկհարկանի տնտեսական շինությունը / ներքին մակերեսը`128.58քմ / և զբաղեցրած 72.50քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարել փոփոխված բնակավայրի ընդհանուրից` բնակավայրի բնակելի կառուցապատման: 2. Համայնքային սեփականություն ճանաչված ք. Սևան, Ս. Սևանեցի փողոցի թիվ 9 շենքի հարավային հատվածում՝ Արթուր Ճաղարյանի կողմից ինքնակամ կառուցված 145.0քմ մակերեսով երկհարկանի տնտեսական շինությունը ճանաչել օրինական տրամադրելով ք. Սևան, Ս. Սևանեցի փողոց թիվ 9 / 60 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Արթուր Ճաղարյանին սույն որոշման ընդունման մասին իրազեկելու օրվան հաջորդող օրվանից: