Ղեկավարվելով «ՏԻՄ» օրենքի 16-րդ հոդվածի 14, 19.1 և 22-րդ կետերի դրույթներով, հիմք ընդունելով 2012թ. ապրիլի 8-ին կնքված Համագործակցության հուշագիրը և նկատի ունենալով Սևանա լճի ավազանում կենցաղային աղբի շարունակական աճի հետ կապված խնդիրների լուծման հրատապությունը` 1. Վավերացնել ՀՀ Գեղարքունիքի մարզի Սևանի, Մարտունու, Գավառի քաղաքապետարանների և «Ինովացիոն Տեխնոլոգիաների Ինստիտուտ»-ի / Չեխիա / միջև 2012թ. հունիսի 13-ին N 02-ACZ կնքված պայմանագիրը: 2. Տալ համաձայնություն Սևանի ավազանում աղբի վերամշակման ինովացիոն տեխնոլոգիաներով հագեցած գործարանային համալիր և 9ՄՎՏ հզորությամբ էլեկտրակայան կառուցելու համար` ստեղծելով բաժնետիրական ընկերություն, որի ընդհանուր մասնաբաժինը, համաձայն պայմանագրի` 4% հատկացնել Մարտունու քաղաքապետարանին, 3%-ը` Սևանի քաղաքապետարանին, 3%-ը` Գավառի քաղաքապետարանին, 90%-ը` «Ինովացիոն Տեխնոլոգիաների Ինստիտուտ» և «ՍինՏեխնոլոգիա» Չեխական կազմակերպություններին: 3. Սևանի ավազանում աղբի վերամշակման ինովացիոն տեխնոլոգիաներով հագեցած գործարանային համալիրին մատակարարել տարեկան 15000 տոննա առանց տեսակավորման կենցաղային աղբ` 50 տարի ժամկետով, անկախ նրանից, թե ինչ սուբյեկտի միջոցով է կատարվում աղբահանությունը:
|