ՆԱԽԱԳԻԾ

Սևանի համայնքապետարան է դիմել ք. Սևան, Կարմիր բանակ փողոց թիվ 45 տան բնակիչ Գևորգ Հարությունյանը` ք. Սևան, Կարմիր բանակ փողոցի թիվ 35 շենքի հարավային հատվածում, իր կողմից ինքնակամ կառուցված 36.91քմ մակերեսով տաղավարը և 10.28քմ մակերեսով աստիճանահարթակ-ծածկը օրինականացնելու խնդրանքով: Ուսումնասիրությունից պարզվել է, որ ք. Սևան, Կարմիր բանակ փողոց թիվ 45 տան բնակիչ Գևորգ Հարությունյանը` ք. Սևան, Կարմիր բանակ փողոց թիվ 35 շենքի հարավային հատվածում, համայնքային սեփականություն հանդիսացող հողատարածքի վրա իր կողմից ինքնակամ կառուցել է 36.91քմ մակերեսով տաղավար և 10.28քմ մակերեսով աստիճանահարթակ-ծածկը: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն որոշմամբ, 18.05.2006թ. թիվ 912-Ն որոշման 3-րդ, 33-րդ կետերով, 29.12.2005թ. 2387-Ն որոշմամբ, «Քաղաքաշինության մասին» ՀՀ օրենքի 143 հոդվածով և հաշվի առնելով, որ տաղավարը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջաացնում հարկադիր սերվիտուտ պահանջելու իրավունք, ինչպես նաև հիմք ընդունելով ք. Սևան, Կարմիր բանակ փողոց թիվ 45 տան բնակիչ Գևորգ Հարությունյանի դիմումը` ք. Սևան, Կարմիր բանակ փողոցի թիվ 35 շենքի հարավային հատվածում, իր կողմից ինքնակամ կառուցված 36.91քմ մակերեսով տաղավարը և 10.28քմ մակերեսով աստիճանահարթակ-ծածկը օրինականացնելու մասին, որոշում եմ.

1. Ք. Սևան, Կարմիր բանակ փողոցի թիվ 35 շենքի հարավային հատվածում, Գևորգ Հարությունյանի կողմից ինքնակամ կառուցված 36.91քմ մակերեսով տաղավարը / ներքին մակերեսը` 28.78քմ / 10.28քմ մակերեսով աստիճանահարթակ-ծածկ և զբաղեցրած 47.20քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարել փոփոխված և համապատասխանեցնել Սևան քաղաքի լրամշակված գլխավոր հատակագծին` բնակավայրի հասարակական կառուցապատման: 2. Համայնքային սեփականություն ճանաչված ք. Սևան, Կարմիր բանակ փողոցի թիվ 35 շենքի հարավային հատվածում, Գևորգ Հարությունյանի կողմից ինքնակամ կառուցված 36.91քմ մակերեսով տաղավարը ճանաչել և 10.28քմ մակերեսով աստիճանահարթակ-ծածկը օրինական և տրամադրել ք. Սևան, Կարմիր բանակ փողոց թիվ 35 / 38 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Գևորգ Հարությունյանին սույն որոշման ընդունման մասին իրազեկելու օրվան հաջորդող օրվանից: