Սևանի համայնքապետարան է դիմել ք. Սևան, Նաիրյան փողոց թիվ 141 / 6 բնակարանի բնակիչ Քիշմիշ Աղեկյանը` ք. Սևան, Կ. Դեմիրճյան փողոց թիվ 3 շենքի արևմտյան մասում՝ իր կողմից ինքնակամ կառուցված 18.72քմ մակերեսով տնտեսական շինությունը, օրինականացնելու խնդրանքով: Ուսումնասիրությունից պարզվել է, որ ք. Սևան, Նաիրյան փողոց թիվ 141 / 6 բնակարանի բնակիչ Քիշմիշ Աղեկյանը` ք. Սևան, Կ. Դեմիրճյան փողոց թիվ 3 շենքի արևմտյան մասում՝ համայնքային սեփականություն հանդիսացող հողատարածքի վրա իր կողմից ինքնակամ կառուցել է 18.72քմ մակերեսով տնտեսական շինություն: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով և հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Քիշմիշ Աղեկյանի դիմումը` ք. Սևան, Կ. Դեմիրճյան փողոց թիվ 3 շենքի արևմտյան մասում՝ իր կողմից ինքնակամ կառուցված 18.72քմ մակերեսով տնտեսական շինությունը օրինականացնելու մասին, որոշում եմ.
1. Ք. Սևան, Կ. Դեմիրճյան փողոց թիվ 3 շենքի արևմտյան մասում, Քիշմիշ Սերոբի Աղեկյանի կողմից ինքնակամ կառուցված 18.72քմ մակերեսով տնտեսական շինությունը / ներքին մակերեսը` 15.82քմ / և զբաղեցրած 18.72քմ մակերեսով հողատարածքը ճանաչել համայնքային սեփականություն, հողատարածքի գործառնական նշանակությունը համարելով փոփոխված բնակավայրի այլ բնակելիից` բնակելի կառուցապատման: 2. Համայնքային սեփականություն ճանաչված ք. Սևան, Կ. Դեմիրճյան փողոց թիվ 3 շենքի արևմտյան մասում՝ Քիշմիշ Աղեկյանի կողմից ինքնակամ կառուցված 18.72քմ մակերեսով տնտեսական շինությունը ճանաչել օրինական տրամադրելով ք. Սևան, Կ. Դեմիրճյան փողոց թիվ 3 / 22 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Քիշմիշ Աղեկյանին սույն որոշման ընդունման մասին իրազեկելու օրվան հաջորդող օրվանից: