Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.06թ.-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների և այն, որ ավտոտեխսպասարկման կետի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում և հաշվի առնելով քաղ. Սուսաննա Օհանյանի դիմումը` ք. Սևան, Խաղաղության փողոց թիվ 10 / 41 հասցեում կառուցված 64.0քմ մակերեսով ավտոտեխսպասարկման կետը և զբաղեցրած 64.0քմ մակերեսով հողատարածքը ուղղակի գործարքով իրեն վաճառելու մասին, որոշում եմ.
1. Ք. Սևան, Խաղաղության փողոց թիվ 10 / 41 հասցեում գտնվող, Սևան համայնքի ղեկավարի` 22.02.2019թ.-ի թիվ 94-Ա որոշմամբ օրինական և համայնքային սեփականություն ճանաչված, 07.03.2019թ. պետական գրանցում ստացած 64.0քմ մակերեսով ավտոտեխսպասարկման կետը և զբաղեցրած 64.0քմ մակերեսով հողատարածքը /ավտոտեխսպասարկման կետը` 64x11700=748800դրամ, հողատարածքը` 64x1242=79488դրամ/ ուղղակի գործարքի միջոցով վաճառել ՀՀ կառավարության` 18.05.06թ. թիվ 912-Ն որոշման 34 կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ՀՀ Գեղարքունիքի մարզ, գ. Ծովազարդ, Վ. Մամիկոնյան փողց թիվ 3 տան բնակիչ Սուսաննա Օհանյանին: 2. Քաղ. Սուսաննա Օհանյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերը իրականացվում են գնորդի հաշվին: 3. Սույն որոշմամբ ծագող սեփականության իրավունքը ենթակա է պետական գրանցման: 4. Սույն որոշումն ուժի մեջ է` Սուսաննա Օհանյանին որոշման ընդունման մասին իրազեկելուն հաջորդող օրվանից: