ՆԱԽԱԳԻԾ

Սևանի համայնքապետարան է դիմել ՀՀ Գեղարքունիքի մարզ, գ. Ծովագյուղ փողոց 20 թիվ 10 տան բնակիչ Յասո Նուբարյանը` ք. Սևան, Խաղաղության փողոց թիվ 8/1-2 հասցեում գտնվող սեփականության իրավունքով իրեն պատկանող խանութին կից ինքնակամ կառուցել է 38.7քմ մակերեսով խանութը օրինականացնելու խնդրանքով: Ուսումնասիրությունից պարզվել է, որ ք. Սևան, ՀՀ Գեղարքունիքի մարզ, գ. Ծովագյուղ փողոց 20 թիվ 10 տան բնակիչ Յասո Նուբարյանը` ք. Սևան, Խաղաղության փողոց թիվ 8/1-2 հասցեում գտնվող սեփականության իրավունքով իրեն պատկանող խանութին կից ինքնակամ կառուցել է 38.7քմ մակերեսով խանութ: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 և հաշվի առնելով, որ խանութը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Յասո Նուբարյանի դիմումը` ք. Սևան, Խաղաղության փողոց թիվ 8/1-2 հասցեում գտնվող սեփականության իրավունքով իրեն պատկանող խանութին կից ինքնակամ կառուցված 38.7քմ մակերեսով խանութը օրինականացնելու մասին, որոշում եմ.

1. Ք. Սևան, Խաղաղության փողոց թիվ 8/1-2 հասցեում գտնվող սեփականության իրավունքով Յասո Ռաֆիկի Նուբարյանին պատկանող խանութին կից իր կողմից ինքնակամ կառուցված 38.7քմ մակերեսով խանութը /ներքին մակերես` 22.25քմ/, զբաղեցրած 38.7քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարել փոփոխված և համապատասխանեցնել Սևան քաղաքի լրամշակված գլխավոր հատակագծին` բնակավայրի հասարակական կառուցապատման: 2. Համայնքային սեփականություն ճանաչված ք. Սևան, Խաղաղության փողոց թիվ 8/1-2 հասցեում գտնվող սեփականության իրավունքով Յասո Նուբարյանին պատկանող խանութին կից իր կողմից ինքնակամ կառուցված 38.7քմ մակերեսով խանութը ճանաչել օրինական տրամադրելով ք. Սևան, Խաղաղության փողոց թիվ 8 / 43 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Յասո Նուբարյանին սույն որոշման ընդունման մասին իրազեկելու օրվան հաջորդող օրվանից: