Սևանի համայնքապետարան է դիմել ՀՀ Գեղարքունիքի մարզ, գ. Լճաշեն, 23-րդ փողոց, 2-րդ փակուղի, 1-ին տան բնակիչ Գևորգ Սաֆարյանը` սեփականության իրավունքով իրեն պատկանող ք. Սևան, Նաիրյան փողոց թիվ 160 / 4 հասցեում գտնվող խանութին կից, իր կողմից ինքնակամ կառուցված 25.58քմ մակերեսով հարթակը և 6.78քմ մակերեսով աստիճանները օրինականացնելու խնդրանքով: Ուսումնասիրությունից պարզվել է, որ ՀՀ Գեղարքունիքի մարզ, գ. Լճաշեն, 23-րդ փողոց, 2-րդ փակուղի, 1-ին տան բնակիչ Գևորգ Սաֆարյանը` սեփականության իրավունքով իրեն պատկանող ք. Սևան, Նաիրյան փողոց թիվ 160 / 4 հասցեում գտնվող խանութին կից, համայնքային սեփականություն հանդիսացող հողատարածքի վրա իր կողմից ինքնակամ կառուցել է 25.58քմ մակերեսով հարթակ և 6.78քմ մակերեսով աստիճաններ: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն, 29.12.2005թ. N 2387-Ն որոշումներով, 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով, հաշվի առնելով, որ հարթակը և աստիճանները կառուցված են համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Գևորգ Սաֆարյանի դիմումը` սեփականության իրավունքով իրեն պատկանող ք. Սևան, Նաիրյան փողոց թիվ 160 / 4 հասցեում գտնվող խանութին կից, իր կողմից ինքնակամ կառուցված 25.58քմ մակերեսով հարթակը և 6.78քմ մակերեսով աստիճանները օրինականացնելու մասին, որոշում եմ.
1. Սեփականության իրավունքով Գևորգ Սաֆարյանին պատկանող` ք. Սևան, Նաիրյան փողոց թիվ 160 / 4 հասցեում գտնվող խանութին կից, Գևորգ Սաֆարյանի կողմից ինքնակամ կառուցված 25.58քմ մակերեսով հարթակը, 6.78քմ մակերեսով աստիճանները և զբաղեցրած ու սպասարկման համար նախատեսված 44.10քմ մակերեսով հողատարածքը ճանաչել համայնքային սեփականություն` հողատարածքի գործառնական նշանակությունը համարել փոփոխված` և համապատասխանեցնել Սևան քաղաքի լրամշակված գլխավոր հատակագծին` բնակավայրի հասարակական կառուցապատման: 2. Համայնքային սեփականություն ճանաչված ք. Սևան, Նաիրյան փողոց թիվ 160 / 4 հասցեում գտնվող խանութին կից, Գևորգ Սաֆարյանի կողմից ինքնակամ կառուցված 25.58քմ մակերեսով հարթակը և 6.78քմ մակերեսով աստիճանները ճանաչել օրինական` տրամադրելով ք. Սևան, Նաիրյան փողոց թիվ 160 / 13 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: