Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայնՀՀ քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների և այն, որ ավտոտնակը, նկուղը և զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում և հաշվի առնելով քաղ. Կարապետ Հայրապետյանի լիազոր անձ Նվեր Պետրոսյանի դիմումը` ք. Սևան, Նաիրյան փողոց թիվ 173 / 8 հասցեում կառուցված 54.51քմ մակերեսով ավտոտնակը, 15.29քմ մակերեսով նկուղը և 54.51քմ մակերեսով հողատարածքը ուղղակի գործարքով իրեն վաճառելու մասին, որոշում եմ.
1. Ք. Սևան, Նաիրյան փողոց թիվ 173 / 8 հասցեում գտնվող, Սևան համայնքի ղեկավարի` 12.11.2019թ.-ի թիվ 778-Ա որոշմամբ օրինական և համայնքային սեփականություն ճանաչված, 26.11.2019թ. պետական գրանցում ստացած 54.51քմ մակերեսով ավտոտնակը, 15.29քմ մակերեսով նկուղը և 54.51քմ մակերեսով հողատարածքը / ավտոտնակը` 54.51x1300=70863դրամ, նկուղը՝ 15.29x2600=39754դրամ, հողատարածքը` 54.51x1242=67701.42դրամ / ուղղակի գործարքի միջոցով վաճառել ՀՀ կառավարության` 18.05.06թ. թիվ 912-Ն որոշման 34 կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած, ք. Սևան, Նաիրյան փողոց թիվ 168 / 14ա բնակարանի բնակիչ Կարապետ Հայրապետյանին: 2. Քաղ. Կարապետ Հայրապետյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերը իրականացվում են գնորդի հաշվին: 3. Սույն որոշմամբ ծագող սեփականության իրավունքը ենթակա է պետական գրանցման: 4. Սույն որոշումն ուժի մեջ է Կարապետ Հայրապետյանի լիազոր անձ Նվեր Պետրոսյանին սույն որոշման ընդունման մասին իրազեկելու օրվան հաջորդող օրվանից: