Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ-ի «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների և այն, որ ավտոտնակի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում և հաշվի առնելով քաղ. Ռուդիկ Մկրտչյանի դիմումը` ք. Սևան, Հրազդան փողոց թիվ 41 / 45 հասցեում կառուցված 47.6քմ մակերեսով ավտոտնակը և զբաղեցրած ու սպասարկման համար նախատեսված 47.6քմ մակերեսով հողատարածքը ուղղակի գործարքով իրեն վաճառելու մասին, որոշում եմ.
1. Ք. Սևան, Հրազդան փողոց թիվ 41 / 45 հասցեում գտնվող, Սևան համայնքի ղեկավարի` 06.04.2017թ.-ի թիվ 148-Ա որոշմամբ օրինական և համայնքային սեփականություն ճանաչված, 18.04.2017թ. պետական գրանցում ստացած 47.66քմ մակերեսով ավտոտնակը և զբաղեցրած 47.6քմ մակերեսով հողատարածքը / ավտոտնակը` 47.6x1300=61880 դրամ և հողատարածքը` 47.6x1242=59119.2 դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34 կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Նալբանդյան փողոց թիվ 27 / 33 բնակարանի բնակիչ Ռուդիկ Մկրտչյանին: 2. Քաղ. Ռուդիկ Մկրտչյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերը իրականացվում են գնորդի հաշվին: 3. Սույն որոշմամբ ծագող սեփականության իրավունքը ենթակա է պետական գրանցման: