Սևանի համայնքապետարան է դիմել «Սևանի հացի գործարան» ՓԲԸ-ի տնօրեն Աշոտ Ավետիսյանը սեփականության իրավունքով «Սևանի հացի գործարան» ՓԲԸ-ին պատկանող ք. Սևան, Չարենցի փողոց թիվ 4 հասցեում գտնվող 55.8քմ մակերեսով հողատարածքում ինքնակամ կատարված շինարարական աշխատանքները օրինականացնելու խնդրանքով: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն որոշումով, 18.05.2006թ. թիվ 912-Ն որոշման 8-րդ, 8.1-րդ 9-րդ, 11-րդ, 18-րդ կետերով, ՀՀ կառավարության` 02.02.2002թ. թիվ 88 որոշումով և հիմք ընդունելով «Սևանի հացի գործարան» ՓԲԸ-ի տնօրեն Աշոտ Ավետիսյանի դիմումը՝ սեփականության իրավունքով «Սևանի հացի գործարան» ՓԲԸ-ին պատկանող ք. Սևան, Չարենցի փողոց թիվ 4 հասցեում գտնվող շինությունները օրինական ճանաչելու մասին, ինչպես նաև հաշվի առնելով, որ շինությունների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1. Սեփականության իրավունքով «Սևանի հացի գործարան» ՓԲԸ-ին պատկանող ք. Սևան, Չարենցի փողոց թիվ 4 հասցեում գտնվող 55.8քմ մակերեսով հողատարածքում կառուցված 111.6քմ մակերեսով /ներքին մակերես` 104.61քմ/ երկհարկանի խանութի կառուցման աշխատանքները ճանաչել օրինական համայնքի բյուջե մուծելով օրինականացվող շինությունների յուրաքանչյուր 1քմ-ի համար 2600դրամ` - խանութ`111.6x2600=290160դրամ 2. Սույն որոշման ընդունման օրվանից սահմանված գումարը 60-օրյա ժամկետում չվճարելու դեպքում` սույն որոշումը համարվում է ուժը կորցրած: 3. Սույն որոշմամբ ծագող սեփականության իրավունքը ենթակա է պետական գրանցման: 4. Սույն որոշումն ուժի մեջ է` «Սևանի հացի գործարան» ՓԲԸ-ի տնօրեն Աշոտ Ավետիսյանին սույն որոշման ընդունման մասին իրազեկելու օրվան հաջորդող օրվանից: