Սևանի համայնքապետարան է դիմել ք. Սևան, Չարենցի փողոց թիվ 74 տան բնակիչ Աբրահամ Դավոյանը` ք. Սևան, Նաիրյան փողոց թիվ 64 շենքի հարավային հատվածում՝ իր կողմից ինքնակամ կառուցված 21.04քմ մակերեսով ավտոպահեստամասերի վաճառասրահը օրինականացնելու խնդրանքով: Ուսումնասիրությունից պարզվել է, որ ք. Սևան, Չարենցի փողոց թիվ 74 տան բնակիչ Աբրահամ Դավոյանը` ք. Սևան, Նաիրյան փողոց թիվ 64 շենքի հարավային հատվածում՝ համայնքային սեփականություն հանդիսացող հողատարածքի վրա իր կողմից ինքնակամ կառուցել է 21.04քմ մակերեսով ավտոպահեստամասերի վաճառասրահ: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀօրենքի 143 հոդվածով և հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Աբրահամ Դավոյանի դիմումը` ք. Սևան, Նաիրյան փողոց թիվ 64 շենքի հարավային հատվածում՝ իր կողմից ինքնակամ կառուցված 21.04քմ մակերեսով ավտոպահեստամասերի վաճառասրահը օրինականացնելու մասին, որոշում եմ.
1. Ք. Սևան, Նաիրյան փողոց թիվ 64 շենքի հարավային հատվածում՝ Աբրահամ Մայիսի Դավոյանի կողմից ինքնակամ կառուցված 21.04քմ մակերեսով ավտոպահեստամասերի վաճառասրահը / ներքին մակերեսը` 16.93քմ / և զբաղեցրած 21.04քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարել փոփոխված և համապատասխանեցնել Սևան քաղաքի լրամշակված գլխավոր հատակագծին` բնակավայրի հասարակական կառուցապատման: 2. Համայնքային սեփականություն ճանաչված ք. Սևան, Նաիրյան փողոց թիվ 64 շենքի հարավային հատվածում՝ Աբրահամ Դավոյանի կողմից ինքնակամ կառուցված 21.04քմ մակերեսով ավտոպահեստամասերի վաճառասրահը ճանաչել օրինական տրամադրելով ք. Սևան, Նաիրյան փողոց թիվ 64 / 105 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Աբրահամ Դավոյանին սույն որոշման ընդունման մասին իրազեկելու օրվան հաջորդող օրվանից: