ՆԱԽԱԳԻԾ

Սևանի համայնքապետարան է դիմել ք. Սևան, Նալբանդյան փողոց թիվ 39 / 8 բնակարանի բնակիչ Գառնիկ Մաղաքյանը` ք. Սևան, Նալբանդյան փողոց թիվ 47 շենքի հյուսիսային հատվածում՝ ավտոտնակների շարքում, իր կողմից ինքնակամ կառուցված 28.20քմ մակերեսով ավտոտնակը, օրինականացնելու խնդրանքով: Ուսումնասիրությունից պարզվել է, որ ք. Սևան, Նալբանդյան փողոց թիվ 39 / 8 բնակարանի բնակիչ Գառնիկ Մաղաքյանը` ք. Սևան, Նալբանդյան փողոց թիվ 47 շենքի հյուսիսային հատվածում` ավտոտնակների շարքում, համայնքային սեփականություն հանդիսացող հողատարածքի վրա իր կողմից ինքնակամ կառուցել է 31.01քմ մակերեսով ավտոտնակ: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 33-րդ կետով և հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Գառնիկ Մաղաքյանի դիմումը` ք. Սևան, Նալբանդյան փողոց թիվ 47 շենքի հյուսիսային հատվածում` ավտոտնակների շարքում, իր կողմից ինքնակամ կառուցված 28.20քմ մակերեսով ավտոտնակը օրինականացնելու մասին, որոշում եմ.

1. Ք. Սևան, Նալբանդյան փողոց թիվ 47 շենքի հյուսիսային հատվածում` ավտոտնակների շարքում, Գառնիկ Սերգեյի Մաղաքյանի կողմից ինքնակամ կառուցված 28.20քմ մակերեսով ավտոտնակը / ներքին մակերեսը` 21.98քմ / և զբաղեցրած 28.20քմ մակերեսով հողատարածքը ճանաչել համայնքային սեփականություն: 2. Համայնքային սեփականություն ճանաչված ք. Սևան, Նալբանդյան փողոց թիվ 47 շենքի հյուսիսային հատվածում՝ ավտոտնակների շարքում, Գառնիկ Մաղաքյանի կողմից ինքնակամ կառուցված 28.20քմ մակերեսով ավտոտնակը ճանաչել օրինական տրամադրելով ք. Սևան, Հրազդան փողոց թիվ 42 / 109 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Գառնիկ Մաղաքյանին սույն որոշման ընդունման մասին իրազեկելու օրվան հաջորդող օրվանից: