Ղեկավարվելով` «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, 28.06.2008թ. ՀՕ-117-Ն օրենքի 1-ին և 2-րդ հոդվածներով, ՀՀ Կառավարության 18.05.2006թ. N 912-Ն որոշումով և հիմք ընդունելով ՌԴ քաղաքացի Աշոտ Պետրոսյանի լիազոր անձ` ք. Սևան, Նալբանդյան փողոց թիվ 6ա տան բնակիչ Արսեն Հովհաննիսյանի դիմումը, ըստ օրենքի ժառանգության իրավունքի վկայագրի Աշոտ Պետրոսյանին պատկանող ք. Սևան, Մյասնիկյան փողոց թիվ 70 հասցեում գտնվող անհատական բնակելի տան կառուցման և սպասարկման համար հատկացված 450.0քմ մակերեսով հողատարածքին կից գտնվող 1.28քմ մակերեսով հողատարածքը և 451.28քմ մակերեսով հողատարածքում մինչև 2001թ. մայիսի 15-ը կառուցված բնակելի նշանակության շինությունները սեփական գույք ճանաչելու մասին, որոշում եմ.
1. Ըստ օրենքի ժառանգության իրավունքի վկայագրի Աշոտ Պետրոսի Պետրոսյանին / ծնված` 07.01.1955թ./ պատկանող ք. Սևան, Մյասնիկյան փողոց թիվ 70 հասցեում գտնվող անհատական բնակելի տան կառուցման և սպասարկման համար հատկացված 450.0քմ մակերեսով հողատարածքին կից գտնվող 1.28քմ մակերեսով հողատարածքը և 451.28քմ մակերեսով հողատարածքում 1954թ. կառուցված 108.78քմ մակերեսով նկուղը / ներքին մակերես` 87.03քմ /, 43.96քմ մակերեսով կիսանկուղ-ավտոտնակը, /ներքին մակերես` 38.20քմ /, 155.46քմ մակերեսով բնակելի տունը /ներքին մակերես` 118.84քմ /, 3.6քմ մակերեսով հարթակը, որոնք չեն գտնվում ՀՀ հողային օրենսգրքի 60-րդ հոդվածով սահմանված հողամասերի վրա, որոնց պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք, ճանաչել Աշոտ Պետրոսի Պետրոսյանին սեփական գույքը: 2. Ճանաչել ինքնակամ ք. Սևան, Մյասնիկյան փողոց թիվ 70 հասցեում գտնվող սեփականության իրավունքով Աշոտ Պետրոսի Պետրոսյանին պատկանող 451.28քմ մակերեսով հողատարածքում գտնվող 1954թ կառուցված 28.16քմ մակերեսով կիսակառույց շինությունը / ներքին մակերես` 23.83քմ/: 3. Սույն որոշումը հիմք է պետական գրանցում ստանալու համար: 4. Սույն որոշումն ուժի մեջ է Աշոտ Պետրոսյանին սույն որոշման ընդունման մասին իրազեկելու օրվան հաջորդող օրվանից: