Իրողություն է այն, որ հարկատուների որոշ մասը տարիների ընթացքում չի կատարել իր հարկային պարտավորությունները և համայնքային բյուջեի նկատմամբ հողի և գույքահարկի մասով կուտակել է պարտքեր:
Սևանի քաղաքապետարանի կողմից խնդրին լուծում տալու նպատակով դատարան են ներկայացվում վարչական գործեր` գումարի բռնագանձման վերաբերյալ:
Վկայակոչելով դատական պրակտիկան և հիմք ընդունելով «Հարկերի մասին»
ՀՀ օրենքի 30.1-րդ հոդվածը, այն է` «Հարկային պարտավորությունները հաշվարկելու եռամյա վաղեմության ժամկետի վերաբերյալ վերապահում է կատարվել գույքահարկի և հողի մասով», քաղաքապետարանի կողմից ներկայացված հայցերը բավարարվում են մասամբ` վերջին 3 տարվա` 2010-2012թթ. համար հաշվարկված հարկերի և դրանց նկատմամբ հաշվարկված տույժերի բռնագանձման պահանջի մասով: Մինչ այդ`
2010թ-ից առաջ հաշվարկված պարտավորությունների մասով հայցերը ենթակա են մերժման` իրավական առումով հիմնավորված չլինելու պատճառաբանվածությամբ:
Միաժամանակ հայց ներկայացնող կողմը` քաղաքապետարանը, կատարում է պետական տուրքի վճարումներ համայնքային բյուջեի առանց այն էլ սուղ միջոցներից:
Հաշվի առնելով այս փաստարկները, հիմք ընդունելով նախադեպերը` անհրաժեշտություն է առաջացել ընդառաջել այն հարկատուներին, որոնք վերջին 3 տարվա ընթացքում չկատարած հարկային պարտավորությունների մասով կկատարեն համապատասխան վճարումներ` ազատվելով նախկին պարտքերի վճարումից:
Այս գործընթացը կնպաստի նաև հավաքագրման առավել արդյունավետ և արագ կազմակերպանը, որը համայնքային բյուջեի կատարման համար լուրջ երաշխիք է:
Ելնելով վերոհիշյալից, առաջնորդվելով հարկատուների հետ աշխատելու կառուցողական մոտեցումներով`
Հարկատուներին ընդառաջելու, հարկային բեռը թեթևացնելու, հարկման գործընթացն արդյունավետ դարձնելու նպատակով գույքահարկի և հողի մասով հարկային պարտավորությունները հաշվարկել ընթացիկ տարվան նախորդող վերջին 3 տարվա համար` կիրառելով վաղեմության ժամկետ:
|