Սևանի համայնքապետարան է դիմել ք. Սևան, Նալբանդյան փողոց թիվ 26 / 26 բնակարանի բնակիչ Գառնիկ Հարությունյանը` ք. Սևան, Նալբանդյան փողոցի 38 շենքի հարավային մասում՝ իր կողմից ինքնակամ կառուցված 55.25քմ մակերեսով ավտոտնակը օրինականացնելու խնդրանքով: Ուսումնասիրությունից պարզվել է, որ ք. Սևան, Նալբանդյան փողոց թիվ 26 / 26 բնակարանի բնակիչ Գառնիկ Հարությունյանը` ք. Սևան, Նալբանդյան փողոցի 38 շենքի հարավային մասում՝ համայնքային սեփականություն հանդիսացող հողատարածքի վրա իր կողմից ինքնակամ կառուցել է 55.25քմ մակերեսով ավտոտնակ: Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀ օրենքի 143 հոդվածով և հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չի ինժեներատրանսպորտային օբյեկտների օտարման կամ անվտանգության գոտիներում կամ կառուցված չի քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, ինչպես նաև հիմք ընդունելով Գառնիկ Հարությունյանի դիմումը` ք. Սևան, Նալբանդյան փողոցի 38 շենքի հարավային մասում՝ իր կողմից ինքնակամ կառուցված 55.25քմ մակերեսով ավտոտնակը օրինականացնելու մասին, որոշում եմ.
1. Ք. Սևան, Նալբանդյան փողոցի 38 շենքի հարավային մասում` Գառնիկ Պարունակի Հարությունյանի կողմից ինքնակամ կառուցված 55.25քմ մակերեսով ավտոտնակը / ներքին մակերեսը` 48.35քմ / և զբաղեցրած 55.25քմ մակերեսով հողատարածքը ճանաչել համայնքային սեփականություն հողամասի գործառնական նշանակությունը համարելով փոփոխված բնակավայրի ընդհանուրից` բնակավայրի բնակելի կառուցապատման: 2. Համայնքային սեփականություն ճանաչված ք. Սևան, Նալբանդյան փողոցի 38 շենքի հարավային մասում՝ Գառնիկ Հարությունյանի կողմից ինքնակամ կառուցված 55.25քմ մակերեսով ավտոտնակը ճանաչել օրինական տրամադրելով ք. Սևան, Նալբանդյան փողոց թիվ 38 / 36 հասցե: 3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման` այդ թվում համայնքային սեփականության ճանաչման և գրանցման ծախսերը իրականացվում են ինքնակամ կառույցը իրականացնողի միջոցներով: 4. Սույն որոշմամբ ծագող սեփականության իրավունքը ենթակա է պետական գրանցման: 5. Սույն որոշումն ուժի մեջ է` Գառնիկ Հարությունյանին սույն որոշման ընդունման մասին իրազեկելու օրվան հաջորդող օրվանից: