Խորհրդակցության սկզբում բաժինների պետերը, վարչական ղեկավարները, և բաժինների աշխատանքներ համակարգողները ներկայացրին տրված հանձնարարականների ուղղությամբ իրականացված աշխատանքները:

Աշխատանքների ներկայացումից հետո տրվեցին համապատասխան հանձնարարականներ

Հանձնարարվեց`

Ա. Ղուկասյանին`

- Ամենօրյա պարբերականությամբ ներկայացնել ԼՂ-ից բռնի տեղահանված անձանց հաշվառումը ըստ բնակավայրերի և կեցության վայրերի, ամենօրյա ամփոփը տրամադրել ՀՀ Գեղարքունիքի մարզպետի աշխատակազմ, իրավասու կառույցներին.
- Նախապատրաստել Սևան համայնքի ավագանու 4-րդ նստաշրջանի 3-րդ նիստի օրակարգային հարցերը, դրանք ներկայացնել խմբակցությունների ղեկավարներին.
- Համագործակցել հանրակրթական ուսումնական հաստատությունների տնօրենների հետ ՀՀ վարչապետի գավաթի համար անցկացվող վազքուղու մրցումներին աշակերտների տեղափոխումը կազմակերպելու համար.
- Նախապատրաստել և ի մի բերել 2024 թվականի ներկայացվող սուբվենցիոն հայտերի փաթեթները` ՀՀ Գեղարքունիքի մարզպետի աշխատակազմ ներկայացնելու համար.
- Սևան համայնքում Թումո տուփերի տեղադրման համար համագործակցել համապատասխան կազմակերպությունների հետ, ակտը ուղարկել պետգույքի կոմիտե.

Ս. Համբարձումյանին`

- Կազմակերպել հումանիտար աջակցության գործընթացը` համագործակցելով ՀՀ Գեղարքունիքի մարզպետի աշխատակազմի, բարեգործական կազմակերպությունների և հիմնադրամների հետ.
- Աջակցության տրամադրումից հետո կազմակերպել համապատասխան փաստաթղթերի ձևակերպումները:

Ա. Հովհաննիսյանին`

- Պարբերաբար աշխատել համայնքի տարածքում գործող ուսումնական հաստատությունների տնօրենների հետ` ԼՂ-ից տեղահանված դպրոցահասակ երեխաների շարժը վերահսկելու նպատակով.
- Իրականացնել հաշվառում համայնքի ՆՈՒՀ-եր հաճախող և հերթագրված արցախցի երեխաների մասով.

Մ. Մկրտչյանին`

- Հետևել ընթացիկ տարում իրականացվող սուբվենցիոն ծրագրերի շինաշխատանքներին` համագործակցելով կապալառու կազմակերպությունների հետ.
- Շարունակել 2024թվականին իրականացվելիք սուբվենցիոն ծրագրերի նախագծանախահաշվային փաստաթղթերի ամբողջացման գործընթացի վերաբերյալ փաստաթղթերի հավաքագրումը.

Է. Ղազարյանին`

- Համագործակցելով «Սևան համայնքի կոմունալ սպասարկում և բարեկարգում» ՀՈԱԿ-ի տնօրինության հետ` ապահովել աղբահանության ծառայությունների դիմաց պայմանագրերի կնքման գործընթացը` ընդգրկելով համայնքի տարածքում գործող բոլոր տնտեսվարողներին և իրավաբանական անձանց.

Դ. Թորոսյանին`

- Համագործակցել ՀՀ Գեղարքունիքի մարզպետի աշխատակազմի հետ և ամենօրյա պարբերականությամբ ներկայացնել Սևան համայնքի վարչական տարածքում գտնվող հյուրանոցներում, հանգստի գոտիներում ԼՂ-ից տեղահանված անձանց բնակության վերաբերյալ տեղեկատվություն` նշելով բնակվողների անունները /ստորագրությամբ/.

Զ. Հարությունյանին`

- Բնակավայրերի վարչական ղեկավարների հետ քննարկել գյուղատնտեսական առկա վիճակը, իրականացվող ծրագրերը և խնդիրները, ներկայացնել համապատասխան տեղեկատվություն.

Վարչական ղեկավարներին`

- Ամենօրյա պարբերականությամբ հաշվառել և Սևանի համայնքապետարանի աշխատակազմ ներկայացնել բնակավայրերում բնակվող տեղահանված արցախցիների գրանցամատյանները, կատարել կարիքների գնահատում և ներկայացնել առկա խնդիրները.
- Հետևել բնակավայրերում իրականացվող սուբվենցիոն ծրագրերի ընթացքին, գույքագրել առկա խնդիրները: