Խորհրդակցության սկզբում անդրադարձ կատարվեց տրված հանձնարարականների կատարմանը, որին հաջորդեցին առաջիկա երկու շաբաթվա համար տրվող հանձնարարականները

Հանձնարարվեց`

Ա. Ղուկասյանին`

- Հունվարի 28-ին տեղի ունեցող միջոցառումների վերաբերյալ ներկայացնել տեղեկատվություն` համագործակցելով մշակութային կենտրոնի և վարչական ղեկավարների հետ.
- Հավաքագրել և ներկայացնել տեղեկատվություն 2023թվականին բնակավայրերում իրականացված ընթացիկ և կապիտալ ծրագրերի, ինչպես նաև առկա խնդիրների վերաբերյալ.

Ա. Հարությունյանին`

- Համագործակցել տեղական և միջազգային կազմակերպությունների հետ ԼՂ-ից բռնի տեղահանված և Սևան համայնքում բնակվող արցախցիների հումանիտար աջակցությունը կազմակերպելու համար.

Զ. Հարությունյանին`

- Համագործակցել համատիրության նախագահների հետ և իրականացնել բնակֆոնդի պահպանությանն ուղղված կանխարգելիչ և վերանորոգման աշխատանքներ.
- 2024թվականի հունվարի 1-ից 18-ն իրականացված անասունների համատարած հաշվառման աշխատանքների վերաբերյալ ներկայացնել հաշվետվություն.
- Նախապատրաստել և ներկայացնել տեղեկատվություն բնակավայրերում աշնանացան ցորենի ցանքի քանակական տվյալների վերաբերյալ.

է. Ղազարյանին`

- Ներկայացնել հաշվետվություն տնտեսվարող սուբյեկտների հետ համայնքի կողմից կնքված պայմանագրերի թվաքանակի և կատարված վճարումների վերաբերյալ.
- Նախապատրաստել համայնքի ավագանու առաջիկա նիստում ներկայացնելու համայնքի 2023 թվականի բյուջեի կատարողականը և 5-ամյա զարգացման ծրագրի տարեկան արդյունքները.
- Մարզպետի աշխատակազմ ներկայացնել Սևանի համայնքապետարանի և ՀՈԱԿ-ների աշխատակիցների հաստիքացուցակները` սահմանված ձևաչափերին համապատասխան.

Մ. Մկրտչյանին`

- Ներկայացնել տեղեկատվություն Սևան համայնքի վարչական տարածքով անցնող միջպետական և հանրապետական նշանակության ավտոճանապարհների եզրերին տեղադրված և չօրինականացված գովազդային վահանակների վերաբերյալ.
- Պարբերաբար իրականացնել մշտադիտարկում ավտոճանապարհների պահպանության գոտում գտնվող իրավիճակի վերաբերյալ.
- Գույքագրել համայնքի տարածքում գտնվող սելավատարները և նախապատրաստել անձնագրավորման գործընթացը.
- Ուսումնասիրել համայնքի տարածքում ձևավորված ընտրատեղամասերում առկա թեքահարթակների առկա վիճակը, ներկայացնել տեղեկատվություն դրանց անհրաժեշտ թվաքանակի վերաբերյալ.

Ա. Հովհաննիսյանին`

- Կազմակերպել հունվարի 28-ին նվիրված միջոցառումները, հետևել դրանց նախապատրաստական ընթացքին.
- Համագործակցել ՀՈԱԿ-ների հետ` կազմակերպությունների վերաբացման գործընթացը կազմակերպելու համար.

Վարչական ղեկավարներին`

- Հետևել բնակավայրերի ճանապարհների անցանելիությանը, կազմակերպել աղ ու ավազով մշակման և մաքրման աշխատանքները: