Բնակավայրերի վարչական ղեկավարներ Խորհրդակցության սկզբում անդրադարձ կատարվեց 2023թ. արձանագրված արդյունքների, բյուջեի կատարողականին, այնուհետև համայնքի ղեկավարի կողմից տրվեցին համապատասխան հանձնարարականներ

Հանձնարարվեց`

Զ. Հարությունյանին`

- Ներկայացնել տեղեկատվություն Սևան համայնքի 6 բնակավայրերի մասով և նշել նպատակահարմարությունը կարկտապաշտպան ցանցերի ներդրման առանձնահատուկ պայմանների կիրառմամբ աջակցության ծրագրից օգտվելու համար.
- Կատարել շրջայց առևտրի սրահներում և խանութներում, իրազեկել պոլիէթիլենային տոպրակների օգտագործման մասին.

Ա. Ղուկասյանին`

- Նախապատրաստել համայնքի 2024թվականի ՏԱՊ-ը.
- Համայնքի բնակավայրերից ուղարկված 2023թվականի գույքագրման արդյունքները ի մի բերել և ներկայացնել համայնքի ավագանու նիստի հաստատմանը.
- Համագործակցել վարչական ղեկավարների հետ և հավաքագրել տեղեկատվություն բնակավայրերում ընտրատեղամասերի համար հատկացված շենքերի մատչելիության վերաբերյալ.

է. Ղազարյանին`

- Ներկայացնել հաշվետվություն 2023թվականի բյուջեի կատարողականի վերաբերյալ` ծախսային և եկամտային բաղադրիչներով.
- 2024թվականի բյուջեն ներբեռնել ծրագրում.
- Ներկայացնել տեղեկատվություն ապառք ունեցող ֆիզիկական և իրավաբանական անձանց վերաբերյալ.

Մ. Մկրտչյանին`

- 2024թվականին համայնքում իրականացվող սուբվենցիոն ծրագրերի վերաբերյալ կատարված առաջարկությունների և դիտողությունների մասով կազմակերպել քննարկումներ նախագծող ընկերության հետ, ներկայացնել ճշգրտված տվյալներ.
- Ամփոփել 2023թվականի աճուրդների միջոցով օտարված հողատարածքների վերաբերյալ տեղեկատվությունը.
- Ներկայացնել տեղեկատվություն 2022-2024թվականի հունվարի 6-ը բնակավայրերում կատարված ինքնակամ շինությունների վերաբերյալ.

Ա. Հովհաննիսյանին`

- Համագործակցել մշակութային կենտրոնի, ԳԿՀ-ի աշխատակիցների հետ Հայոց բանակին նվիրված միջոցառումների կազմակերպման նպատակով.
- Վերահսկել արտադպրոցական հաստատություններում ջեռուցման գործընթացը.

Դ. Թորոսյանին`

- Ներկայացնել համայնքում իրականացվող ծրագրերը, դրանց ընթացքը.
- Համագործակցել տեղական և միջազգային կառույցների հետ, ներկայացնել այն ծրագրերը, որոնց իրականացումն առաջնահերթություն է, և կատարվող ծրագրային առաջարկների վերաբերյալ անցկացնել նախնական քննարկումներ.

Վարչական ղեկավարներին`

- Ամփոփել և ներկայացնել 2023թվականին բնակավայրերում իրականացված ծրագրերը, ընթացիկ աշխատանքները և առկա հիմնախնդիրները: