Խորհրդակցության սկզբում անդրադարձ կատարվեց նախորդ խորհրդակցության ընթացքում տրված հանձնարարականների կատարմանը, որին հաջորդեցին հանձնարարականները:
Հանձնարարվեց`
Ա. Ղուկասյանին`
- Համագործակցելով բնակավայրերի վարչական ղեկավարների հետ՝ նախապատրաստել 2026 թվականի Սևան համայնքում իրականացվող սուբվենցիոն ծրագրերի հայտերը.
- Իրականացնել նախապատրաստական աշխատանքներ՝ համագործակցելով ՅՈՒՆԻՍԵՖ-ի ներկայացուցիչների հետ, ս/թ հոկտեմբերի 15-ին Սևան համայնքում հյուրընակալվող Բելգիայի թագուհու ընդունելության հետ կապված.
Մ. Մկրտչյանին`
- Ներկայացնել տեղեկատվություն համայնքի վարչական տարածքում՝ մայրուղու հարակից մասերում, տեղադրված ինքնակամ խաչքերի, խաչերի, զրուցարանների ապամոնտաժման կամ տեղափոխման վերաբերյալ.
- Սևան համայնքի ավագանու որոշմամբ սահմանված հաշմանդամություն ունեցող անձնաց տեղափոխող տրանսպորտային միջոցների կայանման վայրերի գծանշման աշխատանքները կազմակերպել.
- Ներկայացնել տեղեկատվություն 2024 թվականին իրականացված սուբվենցիոն աշխատանքների մասով հայտնաբերված թերությունների վերացման ուղղությամբ.
- Ներկայացնել տեղեկատվություն համայնքային և պետական հողատարածքներում ինքնակամ ավտոկայանատեղիների կազմակերպման վերաբերյալ.
- Համայնքում հոկտեմբեր ամսին իրականացվող համայնքային լսումներից հետո նախապատրաստել նախագծեր ավագանու նախնական համաձայնությունների վերաբերյալ
Ն. Հարությունյանին`
- Իրականացնել նախապատրաստական աշխատանքներ համայնքում ամանորյա միջոցառումների կազմակերպման համար՝ ներկայացնելով ժամանակացույց.
- ՆՈՒՀ-երի տնօրենների հետ քննարկել մանկապարտեզներում 2026 թվականից ուժի մեջ մտնող նոր սննդակարգի հետ կապված հարցերը, առկա խնդիրները.
- ՀՈԱԿ-ների տնօրենների վերաբերյալ ներկայացնել ամփոփ տեղեկատվություն՝ ներառելով պայմանագրերի կնքման ժամկետները.
Պ. Պետրոսյանին`
- Շարունակել քաղաքաշինության տեսչական մարմնի և էկոպարեկային ծառայության կողմից համայնքապետարան հասցեագրված արձանագրությունների հիման վրա իրականացնել վարչական վարույթներ և ներկայացնել տեղեկատվություն, ինչպես նաև նախապատրաստել գրություններ.
- Ներկայացնել տեղեկատվություն «Սևան ազգային պարկ» ՊՈԱԿ-ի տարածքում գտնվող ինքնակամ կառույցներ ունեցող տնտեսվարողների վերաբերյալ, ինչպես նաև ձեռնարկված միջոցառումների վերաբերյալ հաշվետվություն.
Մ. Ռաֆայելյանին՝
- Համայնքի սեփական եկամուտների հավաքագրման ուղղությամբ իրականացնել համապատասխան աշխատանքներ, ապահովել բյուջեի եկամուտների աճը.
- Նախապատրաստական աշխատանքներ իրականացնել 2026 թվականին Սևան համայնքի տեղական տուրքերի, վճարների, համայնքի կողմից մատուցվող ծառայությունների վերաբերյալ, պատրաստել որոշման նախագծեր.
Դ. Թորոսյանին՝
- Բնակավայրերի վարչական ղեկավարների հետ քննարկել 2026 թվականի համար ներկայացվող սուբվենցիոն հայտերը, ներկայացնել տեղեկատվություն իրականացված աշխատանքների վերաբերյալ.
- Սևան քաղաքում իրականացվող տեսակավորման նոր համակարգի վերաբերյալ ներկայացնել տեղեկատվություն.
Վարչական ղեկավարներին`
- Ներկայացնել տեղեկատվություն բնակավայրերում աշնանացանի ընթացքի և առկա ցուցանիշների վերաբերյալ ՀՀ Գեղարքունիքի մարզպետի աշխատակազմ ներկայացնելու համար.
- Ներկայացնել տեղեկատվություն բնակավայրերում ընթացող սուբվենցիոն և ընթացիկ ծրագրերի վերաբերյալ.
- Բնակավայրերում կազմակերպել հանրային քննարկումներ 2026 թվականի սուբվենցիոն հայտերի ներկայացման համար: |