Ուսումնասիրելով քաղաքացի Մարտիրոս Քոչարյանի նկատմամբ հարուցված վարույթի նյութերը՝ պարզեցի. Մարտիրոս Քոչարյանը Սևանի համայնքապետարանում 22.09.2025թվականին տվել է պարզաբանումներ և ներկայացրել է ԲԸՏՄ Գեղարքունիքի տարածքային բաժնի պետի N Գ/001-152-ԿՃ որոշումը վարչական վարույթը կարճելու մասին։ Քաղաքացի Մարտիրոս Քոչարյանի կողմից՝ իսկ ըստ էության՝ ք. Սևան, Երևանյան խճուղի թիվ 49 / 1 հասցեի հարևանությամբ 2025 թվականի հուլիսի 31-ին կատարվել են հողավազային թմբի քանդման աշխատանքներ։ Հարուցված վարչական վարույթի շրջանակներում Մ․ Քոչարյանը ներկայացրել է հողի սեփականությունը հաստատող պետական գրանցման վկայականը, Սևան համայնքի ղեկավարի թույլտվությունը՝ ք․ Սևան, Երևանյան խճուղի թիվ 49 / 1 հասցում՝ հասարակական կառուցապատման իրավունքով տրված հողատարածքի վրա բարեկարգման աշխատանքներ կատարելու վերաբերյալ, և տեղեկանք (տրման ամսաթիվը՝ 15.07.2025թ.) Սևանի համայնքապետարանից այն մասին, որ ք. Սևան, Երևանյան խճուղի թիվ 49 / 1 հասցեի հարակից մասում գտնվող հողամասը հանդիսանում է բնակավայրի՝ նպատակային նշանակության, հասարակական՝ գործառնական նշանակության հողատարածք։ Վարչական վարույթով հաստատվել է, որ Մարտիրոս Քոչարյանի գործողություններում «Բնության հատուկ պահպանվող տարածքների մասին» ՀՀ օրենքի 20-րդ հոդվածով սահմանված կարգով խախտում չի հայտնաբերվել, քանի որ այն չի սպառնում էկոհամակարգերի կայունության, բուսական և կենդանական աշխարհի ներկայացուցիչների, գիտական կամ պատմամշակութային արժեք ունեցող օբյեկտների պահպանությանը։ Ելնելով վերոգրյալից և ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետով, ՀՀ «Վարչարության հիմունքների և վարչական վարույթի մասին» օրենքի 50-րդ հոդվածի գ) կետի պահանջներով՝ որոշում եմ.
1. Քաղաքացի Մարտիրոս Քոչարյանի /ք. Սևան, Սարգիս Սևանեցու փողոց թիվ 9 շենք, բն. 20 հասցե/ նկատմամբ հարուցված վարչական վարույթը կարճել։
2. Պահանջել քաղաքացի Մարտիրոս Քոչարյանից՝ տարածքի կառուցապատման աշխատանքներն իրականացնել ՀՀ օրենսդրության պահաջներին համապատասխան։
3. Սույն որոշումը կարող է բողոքարկվել ՀՀ վարչական դատարան երկու ամսվա ընթացքում։
4. Սույն որոշումն ուժի մեջ է մտնում առձեռն կամ օրենքով սահմանված կարգով պատշաճ իրազեկելու օրվան հաջորդող օրվանից: