Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36-րդ կետերի պահանջների, հաշվի առնելով քաղ. Հասմիկ Պողոսյանի դիմումը` ք. Սևան, Կարմիր բանակի փողոց թիվ 54 / 56 հասցեում կառուցված 27.74քմ մակերեսով ավտոտնակը և զբաղեցրած 27.74քմ մակերեսով հողատարածքն ուղղակի գործարքով իրեն վաճառելու մասին, ինչպես նաև նկատի ունենալով, որ ավտոտնակի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.

1. Ք. Սևան, Կարմիր բանակի փողոց թիվ 54 / 56 հասցեում գտնվող, Սևան համայնքի ղեկավարի` 22.02.2018թ. թիվ 67-Ա որոշմամբ օրինական և համայնքային սեփականություն ճանաչված, 04.04.2018թ. պետական գրանցում ստացած 27.74քմ մակերեսով ավտոտնակը և զբաղեցրած 27.74քմ մակերեսով հողատարածքը / ավտոտնակը` 27.74x1300=36062 դրամ, հողատարածքը` 27.74x1242=34453.08 դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Կարմիր բանակի փողոց թիվ 54 / 23 բնակարանի բնակիչ Հասմիկ Պողոսյանին:
2. Քաղ. Հասմիկ Պողոսյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման: