Խորհրդակցության սկզբում անդրադարձ կատարվեց նախորդ խորհրդակցության ընթացքում տրված հանձնարարականների կատարմանը, որին հաջորդեցին հանձնարարականները:

Հանձնարարվեց`

Ա. Ղուկասյանին`

- Լուսաբանել համայնքում իրականացվող սուբվենցիոն ծրագրերի ընթացքը.
- Հետևել «Տեսելեմ» հարթակի միջոցով ստացվող խնդիրների լուծման ընթացքին և ժամկետների մեջ պատասխանելու գործընթացին.
- Աշխատակիցների՝ ՊԵԿ ներկայացվող 2024 թվականի հայտարարագրերի վերաբերյալ շարունակել իրազեկման աշխատանքները, ներկայացնել տեղեկատվություն հայտարարագրեր ներկայացրած աշխատակիցների վերաբերյալ.
- Նախապատրաստել համայնքի ավագանու 2025 թվականի հոկտեմբերի 15-ին տեղի ունեցող նիստի օրակարգը.

Մ. Մկրտչյանին`

- Իրականացնել համապատասխան աշխատանքներ համայնքի վարչական տարածքում՝ մայրուղու հարակից մասերում, տեղադրված ինքնակամ խաչքերի, խաչերի, զրուցարանների ապամոնտաժման կամ տեղափոխման համար.
- Սևան քաղաքում տեղորոշել հաշմանդամություն ունեցող անձնաց տեղափոխող տրանսպորտային միջոցների կայանման վայրերը և կազմակերպել գծանշման աշխատանքները.
- Ներկայացնել տեղեկատվություն համայնքում իրականացվող սուբվենցիոն ծրագրերի ընթացքի վերաբերյալ.
- Հետևել ինքնակամ տեղադրված գովազդային վահանակների ապամոնտաժման գործընթացին.

Պ. Պետրոսյանին`

- Շարունակել քաղաքաշինության տեսչական մարմնի և էկոպարեկային ծառայության կողմից համայնքապետարան հասցեագրված արձանագրությունների հիման վրա իրականացնել վարչական վարույթներ և ներկայացնել տեղեկատվություն, ինչպես նաև նախապատրաստել գրություններ.

Մ. Ռաֆայելյանին՝

- Համայնքի սեփական եկամուտների հավաքագրման ուղղությամբ իրականացնել համապատասխան աշխատանքներ, ապահովել բյուջեի եկամուտների աճը.

Դ. Թորոսյանին՝

- Բնակավայրերի վարչական ղեկավարների հետ քննարկել 2026 թվականի համար ներկայացվող սուբվենցիոն հայտերը, ներկայացնել տեղեկատվություն իրականացված աշխատանքների վերաբերյալ.
- Սևան քաղաքում իրականացվող տեսակավորման նոր համակարգի վերաբերյալ ներկայացնել տեղեկատվություն.

Վարչական ղեկավարներին`

- Ներկայացնել տեղեկատվություն բնակավայրերում բերքահավաքի ընթացքի և առկա ցուցանիշների վերաբերյալ ՀՀ Գեղարքունիքի մարզպետի աշխատակազմ ներկայացնելու համար.
- Ներկայացնել տեղեկատվություն բնակավայրերում ընթացող սուբվենցիոն և ընթացիկ ծրագրերի վերաբերյալ: