Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 912-Նորոշման 9-րդ, 11-րդ և 18-րդ կետերով ՀՀ կառավարության` 29.12.2005թ. թիվ 2387-Ն որոշմամբ և հիմք ընդունելով ՀՀ Գեղարքունիքի մարզ, գ. Ծաղկունք, 5-րդ փողոց, 3-րդ նրբանցք, թիվ 20 տան բնակիչ Արմեն Գրիգորյանի դիմումը` սեփականության իրավունքով իրեն պատկանող, ք. Սևան, Նաիրյան փողոց թիվ 159 և ք. Սևան, Նաիրյան փողոց թիվ 159 / 1 հասցեներում գտնվող անշարժ գույքերը /վկայականներ` 17122018-05-0007 և 14082013-05-0016/ միավորելու, առանց համապատասխան փաստաթղթերի 80.33քմ մակերեսով տնտեսական շինության կառուցման աշխատանքներն օրինականացնելու մասին, ինչպես նաև նկատի ունենալով, որ կատարված շինարարական աշխատանքների պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, որոշում եմ.

1. Ք. Սևան, Նաիրյան փողոց թիվ 159 և ք. Սևան, Նաիրյան փողոց թիվ 159/1 հասցեներում գտնվող անշարժ գույքերը միավորել` տրամադրելով ք. Սևան, Նաիրյան փողոց թիվ 159-159 / 1 հասցե:
2. Սեփականության իրավունքով Արմեն Գրիգորյանին պատկանող, ք. Սևան, Նաիրյան փողոց թիվ 159-159 / 1 հասցեում գտնվող 730.0քմ մակերեսով հողատարածքում 80.33քմ մակերեսով տնտեսական շինության կառուցման աշխատանքներն ճանաչել օրինական` համայնքի բյուջե մուծելով օրինականացվող շինության յուրաքանչյուր 1քմ-ի համար` 1300 դրամ` տնտեսական շինություն` 80.33x1300=104429 դրամ:
3. Սույն որոշման ընդունման օրվանից սահմանված գումարը 60-օրյա ժամկետում չվճարելու դեպքում` սույն որոշումը համարվում է ուժը կորցրած:
4. Սույն որոշմամբ ծագող սեփականության իրավունքը ենթակա է պետական գրանցման:
5. Սույն որոշումն ուժի մեջ է` Արմեն Գրիգորյանին սույն որոշման ընդունման մասին իրազեկելու օրվան հաջորդող օրվանից: