Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ․ Հակոբ Ասատրյանի դիմումը՝ Սևան համայնք, ք․ Սևան, Խաղաղության փողոց թիվ 31 / 2 հասցեում կառուցված 4․13քմ մակերեսով բնակելի տունը, 14․3քմ մակերեսով խորդանոցը, 0․57քմ մակերեսով պարիսպը, զբաղեցրած ու սպասարկման համար նախատեսված 71․9քմ մակերեսով հողատարածքն ուղղակի գործարքով իրեն վաճառելու մասին, նկատի ունենալով, որ դրանք ՀՀ Հողային օրենսգրքի 60-րդ հոդվածով սահմանված հողատեսք չեն հանդիսանում, որոշում եմ. 

1. Սևան համայնք, ք․ Սևան, Խաղաղության փողոց թիվ 31 / 2 հասցեում գտնվող, Սևանի համայնքի ղեկավարի` 03․11․2023թ․ թիվ 1677-Ա որոշմամբ օրինական և համայնքային սեփականություն ճանաչված, 23.04.2024թ. պետական գրանցում ստացած 4․13քմ մակերեսով բնակելի տունը՝ 1քմ՝ 5019 դրամ, 14․3քմ մակերեսով խորդանոցը՝ 1քմ՝ 3346 դրամ, 0․57քմ մակերեսով պարիսպը՝ 1քմ՝ 3346 դրամ, զբաղեցրած 71․9քմ մակերեսով հողատարածքը՝ 1քմ՝ 2887․5 դրամ, ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած Հակոբ Ասատրյանին ։
2. Քաղ․ Հակոբ Արծվիկի Ասատրյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է՝ պաշտոնական հրապարակմանը հաջորդող օրվանից։