Խորհրդակցության սկզբում համայնքի ղեկավարը անդրադարձ կատարեց 2024 թվականի ընթացքում կատարված աշխատանքներին, իրականացված ծրագրերին, որին հաջորդեցին հանձնարարականները
Հանձնարարվեց`
Ա. Ղուկասյանին`
- Սևանի զինկոմիսարիատ ներկայացնել համայնքում հաշվառված 20-50 տարեկան զինապարտ քաղաքացիների անվանացուցակները. - Գեղարքունիքի մարզպետարան առաքել համայնքապետարանի աշխատակազմի համայնքային ծառայողների վերաբերյալ կիսամյակային տեղեկատվություն. - Համագործակցելով վարչական ղեկավարների հետ, մասնակցությամբ սոցիալական աշխատողի՝ մշակել համայնքի տեղական, սոցիալական ծրագիրը. - Իրազեկել համայնքապետարանի և ՀՈԱԿ-ների աշխատակիցներին ՊԵԿ հայտարարագրերի ներկայացման վերաբերյալ.
Մ. Ռաֆայելյանին`
- Նախապատրաստել 2024 թվականի բյուջեի կատարողականի հաշվետվությունը. - Մարզպետի աշխատակազմ ներկայացնել համայնքի ՀՈԱԿ-ների աշխատակիցների 2025 թվականի հաստիքացուցակները.
Ն. Հարությունյանին`
- Համագործակցելով մշակութային կենտրոնի ԳԿՀ-ի հետ՝ կազմակերպել Հունվարի 28-ին նվիրված միջոցառում. - Դդմաշեն բնակավայրի մանկապարտեզի տնօրենի հետ քննարկել փետրվարի 1-ից մանկապարտեզում բացվող նոր խմբի հաստիքացուցակը, տեխնիկական և կազմակերպչական հարցեր.
Ռ. Մանուկյանին`
- Համագործակցել բնակավայրերի վարչական ղեկավարների և անասնաբույժների հետ և մինչև հունվարի 20-ը ներկայացնել անասնագլխաքանակի հաշվառման վերաբերյալ ամբողջական տեղեկատվություն. - Համագործակցելով վարչական ղեկավարների հետ՝ բնակիչներին ծանուցել գյուղատնտեսության ոլորտի պետական ծրագրերի վերաբերյալ.
Մ. Մկրտչյանին`
- Մարզպետի աշխատակազմ ներկայացնելու համար պատրաստել տեղեկատվություն համայնքի տարածքում գործող հանքավայրերի և դրանց հատկացված հողի նպատակային նշանակությունների վերաբերյալ. - Ներկայացնել 2024թվականին սուբվենցիոն ծրագրերով իրականացված շինարարական աշխատանքների վերաբերյալ ամփոփ տեղեկատվություն. - Իրականացնել վերահսկողություն համայնքային ճանապարհների և փողոցների հարակից տարածքներում առկա մեքենա-մեխանիզմների, կողմնակի առարկաների տեղափոխումը կատարելու համար.
Դ. Թորոսյանին`
- Իրականացնել վերահսկողություն Սևան համայնքում իրականացվող էներգաարդյունավետության ծրագրի նկատմամբ. - Համայնքի ավագանու հաստատմանը ներկայացնելու համար նախապատրաստել 2025 թվականի տարեկան աշխատանքային պլանը.
Վարչական ղեկավարներին`
- Ներկայացնել տեղեկատվություն բնակավայրերի առաջնահերթությունների վերաբերյալ. - Բնակչությանը իրազեկել 2021 թվականի հունիսի 3-ի N 927-Լ որոշմամբ հաստատված՝ «Հայաստանի Հանրապետությունում ինտենսիվ այգեգործության զարգացման, արդիական տեխնոլոգիաների ներդրման և ոչ ավանդական բարձրարժեք մշակաբույսերի արտադրության խթանման պետական աջակցության 2021-2025 թվականների ծրագրի» վերաբերյալ: |