ԵԿԱՄՈՒՏՆԵՐԻ ԿԱՏԱՐՈՒՄ
Համայնքի 2014թ. տարեկան բյուջեի եկամուտների պլանը կատարվել է 83.0%-ով, 563923.3 մլն. դրամ ճշտված պլանային եկամուտների դիմաց հավաքագրած և պետական բյուջեից հատկացված դոտացիան կազմել է 467977.4 մլն. դրամ, թերակատարումը կազմել է ընդհանուր 95.9 մլն. դրամ, այդ թվում` վարչական բյուջեի գծով` 7.8 մլն. դրամ, ֆոնդային բյուջեի մասով` 88.1 մլն. դրամ: Նախորդ` 2013թ. նույն ժամանակաշրջանի համեմատությամբ համայնքի բյուջեն գերակատարվել է 4.9%-ով, կամ ավել եկամուտները կազմել են 22.2 մլն. դրամ: 2014թ. տարեկան բյուջեի վարչական մասը կատարվել 98.3 %-ով / պլան` 465.3 մլն. դրամ, փաստացի` 457.5 մլն. դրամ /: 2013թ. համեմատությամբ բյուջեի վարչական մասում ավել եկամուտները կազմել են 30.5 մլն. դրամ կամ վարչական բյուջեի եկամուտները 2013թ. համեմատությամբ ավելացել են 7.1 %: Վարչական բյուջեում սեփական եկամուտները կատարվել են 93.7 %-ով / պլան` 123.1 մլն. դրամ, փաստացի` 115.4 մլն. դրամ /: Նախորդ` 2013թ. նույն ժամանակաշրջանի համեմատությամբ սեփական եկամուտները գերակատարվել են 5.9 %-ով, կամ սեփական եկամուտների հավաքագրումը ավելացել է 6.4 մլն. դրամի չափով: Վարչական բյուջեի եկամտատեսակների գծով գերակատարվել են փոխադրամիջոցների գույքահարկը / 104.7% /, նոտարական գծով տուրքերը / 101.0 % /, համայնքի սեփականություն հանդիսացող հողերի / 111.5 % /, գույքի / 151.0 % / վարձավճարները և այլն: Մնացած բոլոր եկամտատեսակների / հողի հարկ, շինությունների գույքահարկ, տեղական տուրքերի / գծով առկա է թերակատարում: Համայնքի ֆոնդային բյուջեի եկամուտները կատարվել է 10.6%-ով / ճշտված պլան` 98.6 մլն. դրամ, փաստացի` 10.6 մլն. դրամ /: Նախորդ 2013թ. համեմատությամբ ֆոնդային բյուջեի փաստացի եկամուտները պակաս են 8.2 մլն. դրամով կամ 44.0 %-ով:
ԾԱԽՍԵՐԻ ԿԱՏԱՐՈՒՄ Եկամուտների կատարման մակարդակից ելնելով` համապատասխանաբար կատարվել են համայնքի 2014թ. տարեկան բյուջեի ծախսերը: Համայնքի բյուջեի ծախսերը կատարվել է 82.6%-ով: 564.7 մլն. դրամ պլանային ծախսերի դիմաց փաստացի կատարվել է 467.9 մլն. դրամի ծախս, կամ թերակատարումը կազմել է 96.8 մլն. դրամ: Վարչական բյուջեի ծախսերը կատարվել են 98.1%-ով (պլան` 465.7մլն. դրամ, փաստացի ծախս` 456.9 մլն. դրամ), թերակատարումը կազմել է 8.8 մլն. դրամ: Վարչական բյուջեի փաստացի ծախսերի 44.6%-ը կամ 203.7 մլն. դրամ կազմել են կրթության և մշակույթի ծախսերը, 94.5 մլն.դրամ` ընդհանուր բնույթի համայնքային ծառայությունները (20.7%), սանիտարական մաքրման և փողոցային լուսավորության ծախսերը կազմել են 76.8 մլն. դրամ կամ վարչական մասի 16.8 % -ը: Ըստ առանձին ոլորտների` համայնքի 2014թ. տարեկան բյուջեի ծախսերը կատարվել են հետևյալ չափերով. կրթության ծախսերը` 99.4% , մշակույթի ծախսերը` 93.5%: 2013թ. տարեկան համեմատությամբ 2014թ. վարչական բյուջեի ծախսերը ավել են կաարվել 29.7 մլն. դրամ կամ 6.9 %-ի չափով: 2014թ. համայնքի բյուջեի ֆոնդային մասի ծախսերը կատարվել է 47.6%-ով / պլան` 170.1 մլն. դրամ, փաստացի ծախս` 81.0 մլն. դրամ /, նախորդ 2013թ. համեմատությամբ ֆոնդային բյուջեի գծով ավել ծախսերը կազմել են 9.3մլն. դրամի չափով, կամ նախորդ տարվա համեմատությամբ ֆոնդային բյուջեի ծախսերը ավելացել են 12.9 % -ով: Ֆոնդային բյուջեի ծախսերի կատարումը 81.0 մլն. դրամի չափով ապահովվել է վարչական բյուջեի պահուստային ֆոնդից 70.0 մլն. դրամի չափով ֆոնդային բյուջե հատկացման հաշվին : Համայնքի 2014թ. ֆոնդային բյուջեից վճարվել է 58.5 մլն. դրամի չափով ասֆալտապատման, փոսային հիմնանորոգման համար` կուտակելով 68.4 մլն. դրամի չափով նոր պարտք: 10.9 մլն. դրամի չափով կատարվել է փողոցային լուսավորության ցանցի կառուցման ծախսերի պարտքի մարում: Կատարվել են բազմաթիվ աշխատանքներ, իրականացվել են նաև այլ ծրագրեր: Քաղաքային զբոսայգու կառուցման գծով բյուջետային, արտաբյուջետային, պետական բյուջեից և ԱՄՆ ՄԶԳ Քաունթերփարթ ինթերնեյշնլ հայաստանյան ներկայացուցչության միջոցներով իրականացվել է շուրջ 39.2 մլն. դրամի աշխատանք: Ներկայումս իրականացվել է աշխատանքների 90.0%-ը: Բազմաֆունկցիոնալ մարզադաշտի կառուցման աշխատանքների ավարտին մնացել է մեկ բաղադրիչ` նստարանների տեղադրումը: ՊԱՐՏՔԵՐ 2014թ. հունվարի 1-ի դրությամբ բյուջետային պարտքերը կազմել են 127.5 մլն. դրամ: Բյուջետային գործառնություններից դուրս պարտքեր չկան: 2014թ. ընթացքում մարվել է 73.6 մլն. դրամ պարտք, այդ թվում` 42.5 մլն. դրամի չափով փողոցային հիմնանորոգման, 15.0 մլն դրամի չափով` ՀՈԱԿ-ների աշխատավարձի պարտք, 9.4մլն. դրամ փողոցային լուսավորության կառուցման, 6.7մլն. դրամ այլ պարտքեր: 2014թ. ընթացքում կուտակվել է 48.9 մլն. դրամ նոր պարտք, այդ թվում` - 39.4 մլն. դրամ փողոցների փոսային հիմնանորոգում, - 7.1 մլն. դրամ նախագծային և տեխնիկական հսկողության ծախսեր, - 2.4մլն. դրամ ընթացիկ պարտքեր: 2015թ. հունվարի 1-ի դրությամբ համայնքի բյուջեի պարտքերը կազմում են 97.2 մլն. դրամ: Համայնքի եկամուտների կենսունակ աղբյուրը իրավաբանական և ֆիզիկական անձանց հողի, գույքահարկի հարկման գործընթացից գոյացող գումարներն են: Այս ոլորտը կարիք ունի անընդհատ վերանայման` հարկման բազայում անհրաժեշտ փոփոխությունների ներառմամբ համայնքում գործող ստորաբաժանումների հետ մշտական աշխատանքի միջոցով: Անցած տարի այդ ուղղությամբ բավականին աշխատանք կատարվեց. քաղաքապետարանում իրականացված կառուցվածքային փոփոխությունը` երկու բաժինների` ֆինանսատնտեսագիտական և համայնքի զարգացման ծրագրերի, արդյունավետ էր և արդարացված, որի արդյունքում իրականացվեց համալիր և բազմակողմանի աշխատանք: Համայնքի վարչական տարածքում գտնվող շենքերի և շինությունների համար գույքահարկի տարեկան պլանը նախատեսված է եղել 24մլն. 500 հազ. դրամ: Հավաքագրումն կազմել է 17մլն. 100 հազ դրամ / 69.8% /: Համայնքի վարչական տարածքում գտնվող հողի հարկի հավաքագրումը, ըստ պլանային թվի, եղել է 9.5մլն. դրամ: 2014թ-ին հավաքագրվել է 6մլն. 786 հազ. դրամ / 71.4% /, փոխադրամիջոցների գծով գույքահարկի վճարումը կատարվել է 104.7 %-ով. պլանային 41.5մլն. դրամի դիմաց հավաքագրվել է 43մլն. 449 հազ. դրամ: Առևտրի և սպասարկման գծով տեղական տուրքերի` պլանավորված 8մլն.800հազ. դրամի դիմաց կատարողականը կազմում է 7մլն. 098 հազ. դրամ / 80.7% / : Համայնքի բյուջեի եկամուտների, ծախսերի կատարման, ինչպես նաև պարտքերի առաջացման, մարման վերաբերյալ ավելի մանրամասն տեղեկատվությունը բերված է համապատասխանաբար թիվ 1, 2, 3 հավելվածներում: Հիմք ընդունելով «ՏԻՄ» ՀՀ օրենքի 16-րդ հոդվածի 3-րդ, 69-րդ հոդվածի և «Բյուջետային համակարգի մասին» ՀՀ օրենքի 35-րդ հոդվածի 2,3 կետերի պահանջները:
Հաստատել համայնքի 2014թ. բյուջեի կատարման մասին հաշվետվությունը / թիվ 1, 2, 3 հավելվածները կցվում են /: