Ուսումնասիրելով քաղաքացի Պատվական Շավարշի Հովհաննիսյանի վերաբերյալ վարչական վարույթի նյութերը, պարզեցի․ Սևան համայնք, գ․ Չկալովկա,ի 2-րդ փողոց, 9 տան բնակիչ Պատվական Շավարշի Հովհաննիսյանը համայնքային սեփականություն հանդիսացող շուրջ 25հա արոտավայրերն ապօրինի զավթել է և տեղադրել է «էլեկտրական հովիվ» սարքավորումը՝ խոչընդոտելով այլ քաղաքացիների ազատ տեղաշարժին և տնտեսական վնաս հասցնելով համայնքի օրինական շահերին։ Իրավախախտման դեպքի հետ կապված՝ քաղաքացին սահմանված կարգով ծանուցվել է։ Նրան առաջարկվել է ինքնակամ ապամոնտաժել այդ սարքավորումները և տարածքը վերադարձնել համայնքի օրինական տնօրինմանը։ Սակայն քաղաքացին մինչ օրս ապամոնտաժում չի իրականացրել և շարունակում է հողատարածքի ապօրինի օգտագործումը։ Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24)-րդ կետի և «ՎԻՎ» օրենսգրքի 48-րդ հոդվածի 2-րդ մասի պահանջներով՝ որոշում եմ. 

1.Քաղաքացի Պատվական Շավարշի Հովհաննիսյանի /Սևան համայնք, գ․ Չկալովկա, 2-րդ փողոց թիվ 9 տուն հասցե/ նկատմամբ նշանակել վարչական տուգանք 100․000 /մեկ հարյուր հազար/ դրամի չափով ։
2.Պահանջել Պատվական Շավարշի Հովհաննիսյանից ապամոնտաժելու «էլեկտրական հովիվ» սարքավորումները սույն որոշումն ուժի մեջ մտնելուն հաջորդող 5 օրվա ընթացքում։
3.Վարչական տուգանք նշանակելուց հետո սահմանված ժամկետում սարքավորումները չապամոնտաժելու և արարքը շարունակելու դեպքում քաղաքացու նկատմամբ նշանակել վարչական տուգանք օրենքով սահմանված կարգով։
4.Սույն որոշումը կարող է բողոքարկվել 15 օրյա ժամկետում կամ ՀՀ Վարչական դատարան երկու ամսվա ընթացքում։
5.Սույն որոշումն ուժի մեջ է մտնում առձեռն կամ օրենքով սահմանված կարգով պատշաճ իրազեկելու օրվան հաջորդող օրվանից: