Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Արտավազդ Ավետիսյանի դիմումը` ք. Սևան, Կ. Դեմիրճյան փողոց թիվ 7 / 3 հասցեում կառուցված 36.88քմ մակերեսով երկհարկանի առևտրի սրահը և 18.44քմ մակերեսով հողատարածքն ուղղակի գործարքով իրեն վաճառելու մասին, իյչպես նաև նկատի ունենալով, որ առևտրի սրահի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.
1. Ք. Սևան, Կ. Դեմիրճյան փողոց թիվ 7 / 3 հասցեում գտնվող, Սևան համայնքի ղեկավարի` 20.11.2019թ. թիվ 818-Ա որոշմամբ օրինական և համայնքային սեփականություն ճանաչված, 15.01.2020թ. պետական գրանցում ստացած 36.88քմ մակերեսով երկհարկանի առևտրի սրահը և 18.44քմ մակերեսով հողատարածքը / երկհարկանի առևտրի սրահ՝ 36.88x11700=431496դրամ, հողատարածքը` 18.44x1242=22902.48դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Երևան, Չայկովսկու փողոց թիվ 15 / 11 բնակարանի բնակիչ Արտավազդ Ավետիսյանին:
2. Քաղ. Արտավազդ Ավետիսյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Արտավազդ Ավետիսյանին սույն որոշման ընդունման մասին իրազեկելու օրվան հաջորդող օրվանից: