Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով,18.05.2006թ. թիվ 912-Ն որոշման 33-րդ կետով, հիմք ընդունելով ք. Սևան, Նալբանդյան փողոց թիվ 39 / 8 բնակարանի բնակիչ Գառնիկ Մաղաքյանի դիմումը` իր կողմից ք. Սևան, Նալբանդյան փողոց թիվ 47 շենքի հյուսիսային հատվածում` ավտոտնակների շարքում, ինքնակամ կառուցված 28.20քմ մակերեսով ավտոտնակն օրինականացնելու մասին, ինչպես նաև հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները, օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1. Գառնիկ Սերգեյի Մաղաքյանի կողմից ք. Սևան, Նալբանդյան փողոց թիվ 47 շենքի հյուսիսային հատվածում` ավտոտնակների շարքում, ինքնակամ կառուցված 28.20քմ մակերեսով ավտոտնակը / ներքին մակերեսը` 21.98քմ / և զբաղեցրած 28.20քմ մակերեսով հողատարածքը ճանաչել համայնքային սեփականություն:
2. Գառնիկ Մաղաքյանի կողմից ք. Սևան, Նալբանդյան փողոց թիվ 47 շենքի հյուսիսային հատվածում՝ ավտոտնակների շարքում, ինքնակամ կառուցված 28.20քմ մակերեսով ավտոտնակը ճանաչել օրինական՝ տրամադրելով ք. Սևան, Հրազդան փողոց թիվ 42 / 109 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում՝ համայնքային սեփականության ճանաչման և գրանցման ծախսերն իրականացվում են ինքնակամ կառույցն իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման:
5. Սույն որոշումն ուժի մեջ է` Գառնիկ Մաղաքյանին սույն որոշման ընդունման մասին իրազեկելու օրվան հաջորդող օրվանից: