Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, 28.06.2008թ. ՀՕ-117-Ն օրենքի 1-ին և 2-րդ հոդվածներով, ՀՀ կառավարության` 18.05.2006թ. թիվ 912-ն որոշման 11-րդ կետով, 29.12.2005թ. թիվ 2387-Ն որոշմամբ և հիմք ընդունելով ՌԴ քաղաքացի Սամվել Հովհաննիսյանի լիազոր անձ Առնակ Սարգսյանի դիմումը` Սևանի քաղաքային խորհրդի գործադիր կոմիտեի` 1988թ. հունվարի 29-ի թիվ 2 նիստի արձանագրությամբ Գ. Բաղդասարյանի տան արևելյան մաս հասցեում Սամվել Հովհաննիսյանին անհատական բնակելի տան կառուցման և սպասարկման համար հատկացված 570.0քմ մակերեսով հողատարածքը, հողատարածքին կից գտնվող 278.0քմ մակերեսով հողամասը սեփական գույք ճանաչելու, մինչև 2001թ. մայիսի 15-ը կառուցված բնակելի նշանակության կիսակառույց բնակելի տունը ինքնակամ ճանաչելու և նոր հասցե տրամադրելու մասին, ինչպես նաև նկատի ունենալով, որ այն չի գտնվում ՀՀ Հողային օրենսգրքի 60-րդ հոդվածով սահմանված հողամասի վրա, որի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.

1. Սևանի քաղաքային խորհրդի գործադիր կոմիտեի` 1988թ. հունվարի 29-ի թիվ 2 նիստի արձանագրությամբ Գ. Բաղդասարյանի տան արևելյան մաս հասցեում Սամվել Ավետիքի Հովհաննիսյանին /ծնված` 06.01.1962թ./ անհատական բնակելի տան կառուցման և սպասարկման համար հատկացված 570.0քմ մակերեսով հողատարածքը, հողատարածքին կից գտնվող 278.0քմ մակերեսով հողատարածքը ճանաչել Սամվել Ավետիքի Հովհաննիսյանի սեփական գույքը՝ տրամադրելով ք. Սևան, Հովհ. Շիրազ փողոց թիվ 12 հասցե:
2. Սեփականության իրավունքով Սամվել Ավետիքի Հովհաննիսյանին պատկանող, ք. Սևան, Հովհ. Շիրազ փողոց թիվ 12 հասցեում գտնվող 848.0քմ մակերեսով հողատարածքում 1988թ. կառուցված 171.24քմ մակերեսով բնակելի տունը /ներքին մակերես 146.14քմ/ ճանաչել ինքնակամ:
3. Սույն որոշումը հիմք է պետական գրանցում ստանալու համար:
4. Սույն որոշումն ուժի մեջ է` Սամվել Հովհաննիսյանի լիազոր անձ Առնակ Սարգսյանին սույն որոշման ընդունման մասին իրազեկելու օրվան հաջորդող օրվանից: