Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն, 29.12.2005թ. N 2387-Ն որոշումներով, 18.05.2006թ. թիվ 912-Ն որոշման 33-րդ կետով, հիմք ընդունելով ք. Սևան, Գրիբոյեդով փողոց թիվ 12/8 բնակարանի բնակիչԳոռ Հակոբյանի դիմումը` ք. Սևան, Գրիբոյեդով փողոց թիվ 12 շենքի հարավային մասում իր կողմից ինքնակամ կառուցված 16.50քմ մակերեսով ավտոտնակն օրինականացնելու մասին, ինչպես նաև հաշվի առնելով, որ ավտոտնակը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1. Գոռ Հակոբյանի կողմից ք. Սևան, Գրիբոյեդով փողոց թիվ 12 շենքի հարավային մասում ինքնակամ կառուցված 16.50քմ մակերեսով ավտոտնակը / ներքին մակերեսը` 15.66քմ/ , զբաղեցրած ու սպասարկման համար նախատեսված 26.58քմ մակերեսով հողատարածքը ճանաչել համայնքային սեփականություն:
2. Գոռ Հակոբյանի կողմից ք. Սևան, Գրիբոյեդով փողոց թիվ 12 շենքի հարավային մասում ինքնակամ կառուցված 16.50քմ մակերեսով ավտոտնակը ճանաչել օրինական` տրամադրելով ք. Սևան, Ֆրանսիական փողոց թիվ 1 / 4 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում` համայնքային սեփականության ճանաչման և գրանցման ծախսերն իրականացվում են ինքնակամ ավտոտնակն իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման: