Հիմք ընդունելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետը և ներքին աուդիտի հաշվետվությունը` կարգադրում եմ.

1. «Սևան համայնքի կոմունալ սպասարկում և բարեկարգում» ՀՈԱԿ-ում աղբահանության վճարների գծով առաջացած 38909472 դրամ դեբիտորական պարտքերը հավաքագրելու նպատակով ձեռնարկել համապատասխան միջոցառումներ:
2. Ապահովել աղբահանության վճարները անդորրագրերով գանձման գործընթացի արժանահավատությունը:
3. Ճիշտ կազմակերպել վառելիքի՝ պահեստ մուտքագրման և ելքագրման գործընթացը, հետևողական լինել հաշիվ-ապրանքագրերի ժամանակին ստացմանը և ձևակերպմանը:
4. Վառելիքի ծախսը հիմնավորելու նպատակով մեքենաների վրա տեղադրել վազքի ցուցմունքը հաշվող սարք և երթուղային թերթիկները լրացնել համաձայն այդ ցուցմունքների:
5. Վերանայել աղբահանության վճարներ հավաքագրողների աշխատանքային պայմանագրերը:
6. Սույն կարգադրությունն ուժի մեջ է` ստորագրման պահից: