Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Աշոտ Հայրումյանի դիմումը` ք. Սևան, Գրիբոյեդովի փողոց թիվ 1 / 44 հասցեում կառուցված 62.90քմ մակերեսով ավտոտնակը, 6.45քմ մակերեսով ծածկը և զբաղեցրած 69.35քմ մակերեսով հողատարածքն ուղղակի գործարքով իրեն վաճառելու մասին, ինչպես նաև հաշվի առնելով, որ ավտոտնակի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.
1. Ք. Սևան, Գրիբոյեդովի փողոց թիվ 1 / 44 հասցեում գտնվող, Սևան համայնքի ղեկավարի` 27.05.2019թ. թիվ 294-Ա որոշմամբ օրինական և համայնքային սեփականություն ճանաչված, 06.08.2019թ. պետական գրանցում ստացած 62.90քմ մակերեսով ավտոտնակը, 6.45քմ մակերեոսով ծածկը և զբաղեցրած 69.35քմ մակերեսով հողատարածքը / ավտոտնակը` 62.90x1300=81770դրամ, ծածկը` 6.45x1300=8385դրամ, և հողատարածքը` 69.35x1242=86132.7դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34 կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Գրիբոյեդովի փողոց թիվ 1 / 15 բնակարանի բնակիչ Աշոտ Հայրումյանին:
2. Քաղ. Աշոտ Հայրումյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Աշոտ Հայրումյանին սույն որոշման ընդունման մասին իրազեկելու օրվան հաջորդող օրվանից: