Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ, «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Գրիշա և Նարգիզ Պետրոսյանների դիմումը` ք. Սևան, Ձկնորսների փողոց թիվ 2 / 1 հասցեում կառուցված 47.01քմ մակերեսով պարիսպը, զբաղեցրած ու սպասարկման համար նախատեսված 317.9քմ մակերեսով հողատարածքն ուղղակի գործարքով իրեն վաճառելու մասին, ինչպես նաև նկատի ունենալով, որ պարսպի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.

1. Ք. Սևան, Ձկնորսների փողոց թիվ 2 / 1 հասցեում գտնվող, Սևան համայնքի ղեկավարի` 14.11.2019թ. թիվ 800-Ա որոշմամբ օրինական և համայնքային սեփականություն ճանաչված, 25.12.2019թ. պետական գրանցում ստացած 47.01քմ մակերեսով պարիսպը, զբաղեցրած ու սպասարկման համար նախատեսված 317.9քմ մակերեսով հողատարածքը / պարիսպը` 47.01x2600=122226դրամ, հողատարածքը` 141.03x1242=175159.26դրամ, 176.87x3726=659017.62դրամ/ ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Նաիրյան փողոց թիվ 187 / 3 բնակարանի բնակիչներ Գրիշա և Նարգիզ Պետրոսյաններին:
2. Քաղ. Գրիշա և Նարգիզ Պետրոսյանների հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Գրիշա և Նարգիզ Պետրոսյաններին սույն որոշման ընդունման մասին իրազեկելու օրվան հաջորդող օրվանից: