Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն, 29.12.2005թ. N 2387-Ն որոշումներով, 18.05.2006թ. թիվ 912-Ն որոշման 33-րդ կետերով,  հիմք ընդունելով ք. Սևան, Ս. Սևանեցու փողոց թիվ 19 / 24 բնակարանի բնակիչ Արմինե Սարգսյանի դիմումը` ք. Սևան, Սարգիս Սևանեցի փողոց թիվ 21 շենքի արևմտյան մասում, իր կողմից ինքնակամ կառուցված 28.46քմ մակերեսով ավտոտնակը, 28.46քմ մաերեսով նկուղը, 1.21քմ մակերեսով ծածկն օրինականացնելու մասին, ինչպես նաև հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք,  որոշում եմ.

1. Ք. Սևան, Սարգիս Սևանեցի փողոց թիվ 21 շենքի արևմտյան մասում, Արմինե Սարգսյանի կողմից ինքնակամ կառուցված 28.46քմ մակերեսով ավտոտնակը / ներքին մակերեսը` 21.86քմ /, 28.46քմ մակերեսով նկուղը / ներքին մակերեսը` 23.61քմ /, 1.21քմ մակերեսով ծածկը, զբաղեցրած ու սպասարկման համար նախատեսված 29.67քմ մակերեսով հողատարածքը ճանաչել համայնքային սեփականություն:
2. Արմինե Սարգսյանի կողմից ք. Սևան, Սարգիս Սևանեցի փողոց թիվ 21 շենքի արևմտյան մասում ինքնակամ կառուցված 28.64քմ մակերեսով ավտոտնակը, 28.46քմ մաերեսով նկուղը, 1.21քմ մակերեսով ծածկը ճանաչել օրինական` տրամադրելով ք. Սևան, Սարգիս Սևանեցի փողոց թիվ 18 / 40 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում` համայնքային սեփականության ճանաչման և գրանցման ծախսերն իրականացվում են ինքնակամ կառույցն իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման: