Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հիմք ընդունելով քաղ. Սևակ Ստեփանյանի դիմումը` ք. Սևան, Սյունյաց փողոց թիվ 3 / 14 հասցեում կառուցված 79.56քմ մակերեսով ավտոտնակը և 79.56քմ մակերեսով հողատարածքն ուղղակի գործարքով իրեն վաճառելու մասին, ինչպես նաև հաշվի առնելով, որ ավտոտնակի զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.
1. Ք. Սևան, Սյունյաց փողոց թիվ 3 / 14 հասցեում գտնվող, Սևան համայնքի ղեկավարի` 09.10.2019թ. թիվ 664-Ա որոշմամբ օրինական և համայնքային սեփականություն ճանաչված, 11.11.2019թ. պետական գրանցում ստացած 79.56քմ մակերեսով ավտոտնակը և 79.56քմ մակերեսով հողատարածքը / ավտոտնակը` 79.56x1300=103428դրամ և հողատարածքը` 79.56x1242=98813.52դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34 կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Նաիրյան փողոց թիվ 143 / 13 բնակարանի բնակիչ Սևակ Ստեփանյանին:
2. Քաղ. Սևակ Ստեփանյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Սևակ Ստեփանյանին սույն որոշման ընդունման մասին իրազեկելու օրվան հաջորդող օրվանից: