Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ, 33-րդ կետերով, «Քաղաքաշինության մասին» ՀՀօրենքի 143 հոդվածով, հիմք ընդունելով ք. Սևան, Ս. Սևանեցու փողոց թիվ 19 / 9 բնակարանի բնակիչ Դավիթ Գրիգորյանի դիմումը` ք. Սևան, Ս. Սևանեցու փողոց թիվ 16 շենքի արևելյան հատվածում ինքնակամ կառուցված 114.54քմ մակերեսով կիսանկուղն օրինականացնելու մասին, ինչպես նաև հաշվի առնելով, որ կիսանկուղը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1. Դավիթ Հայկի Գրիգորյանի կողմից ք. Սևան, Ս. Սևանեցու փողոց թիվ 16 շենքի արևելյան հատվածում ինքնակամ կառուցված 114.54քմ մակերեսով կիսանկուղը /ներքին մակերես` 95.78քմ/ և զբաղեցրած 114.54քմ մակերեսով հողատարածքը ճանաչել համայնքային սեփականություն, հողամասի գործառնական նշանակությունը համարել փոփոխված և համապատասխանեցնել Սևան քաղաքի լրամշակված գլխավոր հատակագծին` բնակավայրի հասարակական կառուցապատման:
2. Դավիթ Գրիգորյանի կողմից ք. Սևան, Ս. Սևանեցու փողոց թիվ 16 շենքի արևելյան հատվածում ինքնակամ կառուցված 114.54քմ մակերեսով կիսանկուղը ճանաչել օրինական` տրամադրելով ք. Սևան, Ս. Սևանեցու փողոց թիվ 16 / 59 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում` համայնքային սեփականության ճանաչման և գրանցման ծախսերն իրականացվում են ինքնակամ կառույցն իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման:
5. Սույն որոշումն ուժի մեջ է` Դավիթ Գրիգորյանին սույն որոշման ընդունման մասին իրազեկելու օրվան հաջորդող օրվանից: