Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդ հոդվածի 4-րդ կետով, ՀՀ կառավարության` 18.05.2006թ. N 731-Ն և 02.02.2002թ. թիվ 88 որոշումներով, ՀՀ կառավարության` 18.05.2006թ. թիվ 912-Ն որոշման 8-րդ, 8.1-րդ 9-րդ, 11-րդ, 18-րդ կետերով, հիմք ընդունելով «Սևանի հացի գործարան» ՓԲԸ-ի տնօրեն Աշոտ Ավետիսյանի դիմումը՝ սեփականության իրավունքով «Սևանի հացի գործարան» ՓԲԸ-ին պատկանող, ք. Սևան, Չարենցի փողոց թիվ 4 հասցեում գտնվող շինություններն օրինական ճանաչելու մասին, ինչպես նաև հաշվի առնելով, որ շինությունների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1. Սեփականության իրավունքով «Սևանի հացի գործարան» ՓԲԸ-ին պատկանող, ք. Սևան, Չարենցի փողոց թիվ 4 հասցեում գտնվող 55.8քմ մակերեսով հողատարածքում կառուցված 111.6քմ մակերեսով /ներքին մակերես` 104.61քմ/ երկհարկանի խանութի կառուցման աշխատանքները ճանաչել օրինական՝ համայնքի բյուջե մուծելով օրինականացվող շինությունների յուրաքանչյուր 1քմ-ի համար՝ 2600դրամ:
2. Սույն որոշման ընդունման օրվանից սահմանված գումարը 60-օրյա ժամկետում չվճարելու դեպքում` սույն որոշումը համարվում է ուժը կորցրած:
3. Սույն որոշմամբ ծագող սեփականության իրավունքը ենթակա է պետական գրանցման:
4. Ք. Սևան, Չարենցի փողոց թիվ 4 հասցեում գտնվող 55.8քմ մակերեսով հողատարածքի համար տրամադրել ք. Սևան, Կ. Դեմիրճյան փողոց թիվ 5 / 1 խանութ հասցե:
5. Սույն որոշումն ուժի մեջ է` «Սևանի հացի գործարան» ՓԲԸ-ի տնօրեն Աշոտ Ավետիսյանին սույն որոշման ընդունման մասին իրազեկելու օրվան հաջորդող օրվանից: