Ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1-ին կետի 24)-րդ ենթակետով, համաձայն ՀՀ Քաղաքացիական օրենսգրքի 188-րդ հոդվածի 2-րդ կետի, ՀՀ կառավարության` 18.05.2006թ․ «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման 34-36 կետերի պահանջների, հաշվի առնելով քաղ. Դավիթ Գրիգորյանի դիմումը` ք. Սևան, Ս. Սևանեցու փողոց թիվ 16 / 59 հասցեում կառուցված 114.54քմ մակերեսով շինությունը և զբաղեցրած 114.54քմ մակերեսով հողատարածքն ուղղակի գործարքով իրեն վաճառելու մասին, ինչպես նաև նկատի ունենալով, որ շինության զբաղեցրած հողատարածքը ՀՀ Հողային օրենսգրքի 60-րդ հոդվածով սահմանված հողատեսք չի հանդիսանում, որոշում եմ.
1. Ք. Սևան, Ս. Սևանեցու փողոց թիվ 16 / 59 հասցեում գտնվող, Սևան համայնքի ղեկավարի` 05.12.2019թ. թիվ 862-Ա և 20.12.2019թ. թիվ 941-Ա որոշումներով օրինական և համայնքային սեփականություն ճանաչված, 27.12.2019թ. պետական գրանցում ստացած 114.54քմ մակերեսով շինությունը և զբաղեցրած 114.54քմ մակերեսով հողատարածքը / շինությունը` 114.54x11700=1340118դրամ, հողատարածքը` 114.54x1242=142258.68դրամ / ուղղակի գործարքի միջոցով վաճառել ՀՀ կառավարության` 18.05.2006թ. թիվ 912-Ն որոշման 34-րդ կետով սահմանված գնման նախապատվությունը ստանալուց հետո` 15 աշխատանքային օրվա ընթացքում համապատասխան դիմում ներկայացրած ք. Սևան, Ս. Սևանեցու փողոց թիվ 19 / 9 բնակարանի բնակիչ Դավիթ Գրիգորյանին:
2. Քաղ. Դավիթ Գրիգորյանի հետ կնքել առուվաճառքի պայմանագիր և սահմանել, որ առուվաճառքի հետ կապված ծախսերն իրականացվում են գնորդի հաշվին:
3. Սույն որոշմամբ ծագող սեփականության իրավունքը ենթակա է պետական գրանցման:
4. Սույն որոշումն ուժի մեջ է` Դավիթ Գրիգորյանին սույն որոշման ընդունման մասին իրազեկելու օրվան հաջորդող օրվանից: