Ղեկավարվելով «Տեղական ինքնակառավարման մասին» ՀՀ օրենքի 35-րդհոդվածի 1-ին կետի 24)-րդ ենթակետով, ՀՀ Քաղաքացիական օրենսգրքի 188-րդհոդվածի 4-րդ կետով, ՀՀ կառավարության` 29.12.2005թ. N 2387-Ն, 18.05.2006թ. N 731-Ն որոշումներով, ՀՀ կառավարության` 18.05.2006թ. թիվ 912-Ն որոշման 3-րդ կետով, հիմք ընդունելով ք. Սևան, Ս. Սևանեցու փողոց 9 / 13 բնակարանի բնակիչ Հենրիկ Ահարոնյան դիմումը` ք. Սևան, Խաղաղության փողոցի 8 շենքի հյուսիս-արևելյան հատվածում` ավտոտնակների շարքում, իր կողմից ինքնակամ կառուցված 25.05քմ մակերեսով ավտոտնակն օրինականացնելու մասին, ինչպես նաև հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի նկատմամբ ՀՀ Հողային օրենսգրքի 60-րդ հոդվածով սահմանված սահմանափակումներ չկան, որ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում կամ կառուցված չէ քաղաքաշինական նորմերի ու կանոնների էական խախտումներով և չի առաջացնում հարկադիր սերվիտուտ պահանջելու իրավունք,  որոշում եմ.

1. Հենրիկ Անդրանիկի Ահարոնյանի կողմից ք. Սևան, Խաղաղության փողոց թիվ 8 շենքի հյուսիս-արևելյան հատվածում` ավտոտնակների շարքում,  ինքնակամ կառուցված 25.05քմ մակերեսով ավտոտնակը / ներքին մակերեսը` 23.25քմ / և զբաղեցրած ու սպասարկման համար նախատեսված 25.05քմ մակերեսով հողատարածքը ճանաչել համայնքային սեփականություն:
2.  Հենրիկ Ահարոնյան կողմից ք. Սևան, Խաղաղության փողոց թիվ 8 շենքի հյուսիս-արևելյան հատվածում՝ ավտոտնակների շարքում, ինքնակամ կառուցված 25.05քմ մակերեսով ավտոտնակը ճանաչել օրինական` տրամադրելով ք. Սևան, Խաղաղության փողոց թիվ 9 / 26 հասցե:
3. Նկատի ունենալով, որ թույլ է տրվել ինքնակամություն, ուստի ինքնակամ կառույցի օրինականացման, պետական գրանցման, այդ թվում` համայնքային սեփականության ճանաչման և գրանցման ծախսերն իրականացվում են ինքնակամ կառույցն իրականացնողի միջոցներով:
4. Սույն որոշմամբ ծագող սեփականության իրավունքը ենթակա է պետական գրանցման:
5. Սույն որոշումն ուժի մեջ է` Հենրիկ Ահարոնյանին սույն որոշման ընդունման մասին իրազեկելու օրվան հաջորդող օրվանից: